މި މަހުގެ 19 ވަނަ ދުވަހު ބޮލީވުޑްގެ އެކްޓަރ އަދި ޑައިރެކްޓަރ ފަރްހާން އަޚްތަރު ވަނީ ލޯބިވެރިޔާ ޝިބާނީ ޑަންޑޭކަރާ ކައިވެނި ކޮށްފައެވެ.
ކުލަގަދަކޮށް ބޭއްވި މި ކައިވެނީގެ ހަލްދީ އާއި ސަންގިތު ސެރެމޮނީތައް ވަނީ މިދިއަ ހަފްތާގައި ފެށިގެން ކުރިއަށް ގެންގޮސްފައެވެ.
ހޮނިހިރު ދުވަހު ބޭއްވި މި ކައިވެނި ހަފްލާގައި ވަނީ ބޮލީވުޑްގެ ބައެއް ތަރިންނާއި ދެމީހުންގެ ގާތް ރަހުމަތްތެރިން ބައިވެރިވެފައެވެ. އެގޮތުން ފަރްހާންގެ އެންމެ ގާތް އެއް ރަހުމަތްތެރިއާ ކަމުގައިވާ ރިތިކް ރޯޝަނާއި އޭނާގެ އާއިލާ އިން ވަނީ މި ކައިވެންޏަށް ހާޒިރު ވެފައެވެ.
އެގޮތުން ރިތިކް ވަނީ މި ކައިވެނީގައި ވަރަށް "އެންޖޯއީ" ކޮށްފައެވެ. ފަރްހާނާއި ރިތިކް ވަނީ އެމީހުންގެ ފިލްމް "ޒިންދަގީ ނާ މިލެގީ ދުބާރާ" ގެ ލަވައަށް އެކުގައި ނަށާ ވަރަށް މަޖާ ނަގާފައެވެ.
View this post on Instagram
މި ކައިވެނީގައި ބޮލީވުޑްގެ ތަރިންގެ ތެރޭގައި ހިމެނޭ ރިއާ ޗަކްރަބަތީ، ސާގިބް ސަލީމް، އަމްރިތާ އަރޯރާގެ އިތުރުން ވެސް ގިނަ ތަރިން ބައިވެރިވިއެވެ.
