އެމްޑީޕީ ޕީޖީ ގްރޫޕްގެ ލީޑަރުގެ މަޤާމު ބޮޑު ތަފާތަކުން ކާމިޔާބު ކުރެއްވި މުހައްމަދު އަސްލަމަށް، މަޖިލިސް ރައީސް މުހައްމަދު ނަޝީދާއި، އެމްޑީޕީގެ ކުރީގެ ޕީޖީ ލީޑަރު އަލީ އާޒިމް މަރުހަބާ ދަންނަވައިފިއެވެ.
އެމްޑީޕީގެ ޕާލަމެންޓްރީ ގުރޫޕްގެ އިންތިޚާބުގައި، އާލީ އާޒިމްއާއި ވާދަކޮށް އެމްޑީޕީގެ ޕީޖީ ލީޑަރުކަން ހިތަދޫ އުތުރު ދާއިރާގެ މެންބަރު މުޙައްމަދު އަސްލަމް ވަނީ ކާމިޔާބު ކުރައްވާފައެވެ. އެމްޑީޕީގެ ޕީޖީ ގުރޫޕުގެ އިންތިޚާބު އަސްލަމް ކާމިޔާބު ކުރައްވާފައިވަނީ ޕީޖީ ގުރޫޕުގެ 40 މެމްބަރުންގެ ބޮޑު އައުލަބިއްޔަތެއްގެ ވޯޓު ހޯއްދަވައިގެންނެވެ. އަސްލަމްއާއި ވާދަކުރެއްވި މެދުހެންވޭރު ދާއިރާގެ މެމްބަރު އަލީ އާޒިމަށް ލިބިފައިވަނީ 25 ވޯޓެވެ.
އަސްލަމް އިންތިޚާބު ކާމިޔާބް ކުރުމާއި ގުޅިގެން ރައީސް ނަޝީދުވަނީ އޭނާއަށް މަރުހަބާ ވިދާޅުވެފައެވެ. ނަޝީދު ވިދާޅުވީ އެމްޑީޕީގެ އައު ޕީޖީ ލީޑަރަށް މަރުހަބާ ދަންނަވާ ކަމަށާއި، އަދި މިއާއިއެކު އެމްޑީޕީގެ ޕީޖީ ގްރޫޕްގެ އިންތިޚާބް ކާމިޔާބް ކުރެއްވި އެންމެހާ ބޭފުޅުންނަށް މަރުހަބާ ދަންނަވާކަމަށެވެ.
MDP ge aau Parliamentary Group Leader @aslamdp ashaai adhi inthikhaab kaamiyaab kurevvi huriha beyfulhunah marhaba. ????????????????
— Mohamed Nasheed (@MohamedNasheed) February 18, 2022
ނަޝީދުގެ އިތުރުން އެމްޑީޕީގެ ޕީޖީ ލީޑަރުގެ މަޤާމު މިހާތަނަށް ބަލަހައްޓަމުން ގެންދެވި، އަދި މިއިންތިޚާބުގައި އަސްލަމް އަތުން ބަލިވި އަލީ އާޒިމްވެސް ވަނީ އަސްލަމަށް މަރުހަބާ ދަންނަވާފައެވެ. އާޒިމް ވިދާޅުވީ އަސްލަމްގެ ދައުރުގައި ފުރިހަމަ ކާމިޔާބީއަށް އެދޭކަމަށް ވިދާޅުވެފައެވެ.
Congratulations to @aslamdp for being elected as MDP PG leader. Wishing you all the best and good luck for a successful term. #MDP #PGelection
— ???????????? ???????????????? (@aliaazim) February 18, 2022
މިއިންތިޚާބު އަސްލަމް ކާމިޔާބު ކުރުމާއި ގުޅިގެން ގިނަ ބަޔަކު ދަނީ އަސްލަމަށް މަރުހަބާ ކިޔަމުންނެވެ. އަދި މިކާމިޔާބީއަކީ ރައީސް ޞާލިހުގެ ސިޔާސީ ގޮތުން ރައީސް ނަޝީދުގެ މައްޗަށް ހޯދި ކާމިޔާބީއެއްގެ ގޮތުގައި ގިނަ ބަޔަކު ދަނީ ބުނަމުންނެވެ.
