ށ.ބިލެތްފަހީ ބަނދަރުގެ ބޮޑުބައި ނިމިއްޖެއެވެ.
އެމްޓީސީސީން މިއަދު ބުނެފައިވަނީ ބިލެއްފަހި ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 72 ޕަސެންޓް ނިމިފައިވާކަމަށެވެ. އަދި ބޭރުތޮށި ލުމަށް ބޭނުންވާ ބޮޑުހިލައިގެ ދެވަނަ ޝިޕްމަންޓް ވަނީ ޕްރޮޖެކްޓް ސައިޓަށް ގެންދެވިފައިކަމަށެވެ.
މި މަޝްރޫޢުގެ ދަށުން 9800 ކިއުބިކް މީޓަރ ނެރު ފުންކުރުމާއި، ރޭމްޕެއް ހެދުމާއި އަދި 22 މީޓަރުގެ ގުރޯއިން ޖެހުމާއި، ބަނދަރު ބައްތި ހަރުކުރުމާއި، 2 ނެރުބައްތި ހަރުކުރުމާއި، 1150 ސްކުއެއަރ މީޓަރ ޕޭވްމަންޓް ހެދުމާއި 14325 ކިއުބިކް މީޓަރު ބަނދަރު ފުން ކުރުމާއި، 376 މީޓަރު ބޭރު ތޮށި ހެދުމާއި، 98 މީޓަރު އެއްގަމު ތޮށި ހެދުމުގެ އިތުރުން 5 މޫރިން ބްލޮކް ލުން ހިމެނެއެވެ.
ށ. ބިލެއްފަހި ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 72 ޕަސެންޓް ނިމިއްޖެ. އަދި ބޭރުތޮށި ލުމަށް ބޭނުންވާ ބޮޑުހިލައިގެ ދެވަަނަ ޝިޕްމަންޓް ވަނީ ޕްރޮޖެކްޓް ސައިޓަށް ގެންދެވިފައި. #MTCCProjects #RayyithungeKunfuni pic.twitter.com/3mI24jZHhI
— MTCC Plc (@MTCCPlc) February 8, 2022
ބިލެތްފަހީ ބަނދަރު ތަރައްގީ ކުރުމުގެ މަސައްކަތް ޕްލޭނިން މިނިސްޓްރީން އެމްޓީސީސީއާ ހަވާލު ކުރީ 28.42 މިލިއަން ރުފިޔާއަށް މިދިޔަ އަހަރު ޖެނުއަރީ މަހުގެ 18 ވަނަދުވަހުއެވެ.
ކޮމެންޓު ފޮނުވާ