އެމްޑީޕީގެ ރައީސް މުހައްމަދު ނަޝީދު މިއަދު ފޯކައިދޫއަށް ވަޑައިގަތުމުން އެރަށުން ހޫނު މަރުހަބާއެއް ކިޔައިފިއެވެ.
ރައްޔިތުންގެ މަޖިލީހުގެ ބައި-އިލެކްޝަންގައި އެމްޑީޕީން ވާދަކުރާ ކެނޑިޑޭޓަށް ތާއީދު ހޯދުމަށް ރައީސް ނަޝީދު މިއަދު ފޯކައިދޫއަށް ވަޑައިގަތުމުން އެރަށުން ވަނީ ހޫނު މަރުހަބާއެއް ކިޔާފައެވެ. މިނިސްޓަރ މާރިޔާއާއި، ހެލްތު މިނިސްޓަރ ނަސީމް ހިމެނޭހެން އެމްޑީޕީގެ އިސްބޭފުޅުން ފޯކައިދޫއަށް ވަޑައިގެންނެވިއިރު، ގިނަ އަދަދެއްގެ ރައްޔިތުން ވަނީ މަރުހަބާ ކިޔުމަށް ބަނދަރަށް ނިކުމެފައެވެ.
ރައީސް ނަޝީދު ފޯކައިދޫއަށް ވަޑައިގެންނެވިއިރު، ރައީސް ޞާލިހު ކޯވިޑަށް ޕޮޒިޓިވްވުމާއި ގުޅިގެން މިދަތުރުގައި ބައިވެރިވެވޭގޮތް ވަނީ ނުވެފައެވެ.
ކޮމަންޑޫ ދާއިރާގެ ގޮނޑީގެ ވާދަވެރިކަން ބޮޑުވެފައިވާއިރު ކުރިން އެ ދާއިރާ ތަމްސީލުކުރެއްވި ޙުސެއިން ވަހީދު އެ ގޮނޑި ކާމިޔާބުކުރެއްވީ 332 ވޯޓްގެ ތަފާތުންނެވެ. އެފަހަރު އޭނާއާއި ވާދަކުރީ ޕީއެންސީގެ ކެންޑިޑޭޓް އިބްރާހިމް ރަޝީދެވެ.
ޕާޓީގެ ރައީސް، ރައީސް @MohamedNasheed އާއި ޕާޓީގެ އިސް ބޭފުޅުންގެ ޓީމެއް ރައްޔިތުން މަޖިލިސް ކޮމަންޑޫ ދާއިރާގެ ބައި-އިލެކްޝަން އެމްޑީޕީ ކެންޑިޑޭޓް @Rashid141221 ގެ ކެންޕެއިނަށް ފޯކައިދޫ ވަޑައިގަތުމުން ހޫނު މަރުހަބާ އެއް ދަންނަވައިފި.#HappeningNow#VoteRashid#Agenda19 pic.twitter.com/K7xxmZwSkl
— Ahmed Anwar (@Simwarr) January 22, 2022
ފެބްރުއަރީ މަހުގެ 5ވަނަދުވަހު އޮންނަ ބައި އިލެކްޝަންގައި 6 ވޯޓް ފޮއްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ. މި ފޮށިތަކުގެ ތެރެއިން މާލޭގައި އުޅޭ އެދާއިރާގެ ރައްޔިތުން ވޯޓްލާން ޖެހޭ ފޮށި ހުންނާނީ އިންތިޚާބާބެހޭ މަރުކަޒު، ބާ ޖަމާލުއްދީނުގައެވެ.
ކޮމަންޑުއާއި ފޯކައިދޫ އަދި މަރޮށި ހިމެނޭ މި ދާއިރާގައި 3316 މީހުންނަށް ވޯޓްލުމުގެ ހައްޤު ލިބިގެންވެއެވެ.
ކޮމެންޓު ފޮނުވާ