ދިވެހި ރާއްޖޭގެ ގިނަ އަދަދެއްގެ ރައްޔިތުން ރާއްޖޭގެ މިނިވަންކަމާއި ސިޔާދަތަށްޓަކައި ރާއްޖޭގައި ތިބި އިންޑިއާގެ އަސްކަރީ ސިފައިން ބޭލުމަށް ހިންގާ ހަރަކާތް ނުހުއްޓޫވޭނެކަން ދިވެހި ރައްޔިތުން ހާމަކޮށްދެއްވަމުންދާކަމަށް އިދިކޮޅު ޕީޕީއެމްގެ ރައީސް އަބްދުﷲ ޔާމީން ވިދާޅުވެއްޖެއެވެ.
އިދިކޮޅު ކޯލިޝަނުން މިރޭ ފޯކައިދޫގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރާއްޖޭގައި އެއްވެސް ޤައުމެއްގެ އަސްކަރީ ސިފައިން ތިބުމަކީ ދިވެހި ރައްޔިތުން ބޭނުންވާ ގޮތެއް ނޫންކަމަށެވެ. އެކަމާއި ދިވެހި ރައްޔިތުން ނުރުހޭކަން ރާއްޖޭގެ އެކި ކަންކޮޅުތަކުން ހާމަކޮށް ދެެއްވަމުންދާއިރު، މިކަން ހުއްޓުވުމަށް ސަރުކާރުން ކިތަންމެ މަސައްކަތެއް ކުރި ނަމަވެސް ދެން މިހަރަކާތެއް ނުހުއްޓުވޭނެކަމަށް ރައީސް ޔާމީން ވިދާޅުވިއެވެ.
އެމަނިކުފާނު ވިދާޅުވީ ރާއްޖޭގެ މިނިވަންކަމަށް އިންޑިއާގެ އަސްކަރީ ސިފައިން ތިބޭތީ އަސަރުކުރާކަށް ދިވެހި ރައްޔިތުން ބުނާ ބުނުމާއިމެދު ސަރުކާރުން ސުވާލު އުފައްދާނަމަ އެކަމާއިމެދު ރައްޔިތުން ދެކޭގޮތް ބެލުމުގެ ފުރުސަތު ސަރުކާރަށް ޤާނޫނު އަސާސީން ބުނެދީފައިވާކަމަށެވެ. ޤާނޫނު އަސާސީގެ 115 ވަނަ މާއްދާއި މިފަދަ ކަންކަމުގައި ރައްޔިތުންގެ ވިސްނުން އޮތް ބެލުމުގެ ފުރުސަތު ސަރުކާރަށް އޮތްއިރު މިއީ އެފުރުސަތު ބޭނުންވެސް ކޮށް އިންޑިއާގެ ސިފައިން ރާއްޖެ އިން ބޭލުމަށް މަސައްކަތް ކުރަންވީ ވަގުކަމަށެވެ.
މިއަދު ފެނިފެންދަނީ ކޮމަންޑޫ ދާއިރާގެ އިންތިޚާބުގައިވެސް ރާއްޖޭގެ މިނިވަންކަމާއި ސިޔާދަތަށް އެއްވެސް ވަރަކަށް ނުވިސްނާ ލީޑަރުންތަކެއް އިރުއިރުކޮޅާ އެދާރާއަށް އަރައިފާބަމުން ދާތަންކަމަށާއި، މިއީ ދިވެހި ރައްޔިތުން ނުހަނު ކަންބޮޑުވާ ކަމެއްކަމަށެވެ. އަދި ކޮމަންޑޫ ދާއިރާގެ ރައްޔިތުންވެސް މިއަދު ބޭނުންވަނީ އެދާއިރާގެ ރައްޔިތުންގެ މިނިވަން ނަގަހައްޓައި ދިވެހި ޤައުމު މިނިވަންކަން މަތީ ބޭއްވުމަށްކަމަށެވެ.
އެކަން ކުރެވޭނީ ދިވެހި ޤައުމުގެ ހައްގުގައި ވަކާލާތުކުރާ ބަޔަކަށް ކަމަށާއި، އެބަޔަކީ ޕީޕީއެމްގެ މެމްބަރުންނާއި އެޕާޓީއަށް ތާއީދުކުރާ މީހުންކަމަށް ރައީސް ޔާމީން ވިދާޅުވިއެވެ. އެމަނިކުފާނު ވިދާޅުވީ މިއިންތިޚާބުގައި ފަތުޙީ އިންތިޚާބު ވެއްޖެނަމަ މަޖިލިސް ތެރޭގައި އިންޑިއާގެ ސިފައިން ބޭލުމަށް ކުރަމުންދާ މަސައްކަތަށް އިތުރު ބާރަކަށް ވެގެންދާނެކަމަށެވެ. އަދި މިއީ ދިވެހި ރާއްޖެއަށާއި، ސަރުކާރަށްވެސް ދެވޭނެ ވަރުގަދަ މެސެޖަކަށް ވެގެންދާނެކަމަށެވެ.
ރައީސް ޔާމީން ވަނީ ދިވެހި ރައްޔިތުންގެ މިނިވަންކަމުގެ ހައްގުގައި ކުރަންޖެހޭ އެއްވެސް މަސައްކަތެއް ނުކޮށް ހުއްޓާނުލާނެކަމުގެ ޔަގީންކަން ދެއްވާފައެވެ. އަދި ކުރިމަތިވާ ހުރަސްތައް ކަޑައްތުކޮށް، ހައްގުގެ މަގުގެ މަގުގައި ސާބިތުވެ ތިބިބަޔަކަށް ކާމިޔާބް ލިބިގެންދާނެކަމަށް ރައީސް ޔާމީން ވިދާޅުވިއެވެ.
