ބާސެލޯނާގެ ބްރެޒިލް މިޑްފީލްޑަރު ފިލިއްޕޭ ކުޓީނިއޯ އަށް އިނގިރޭސި ޕްރިމިއާ ލީގުގެ ފަސް ކްލަބަކުން ހުށަހެޅުން ހުށަހަޅާފައި ވަނިކޮށް، ލޯނު އެއްބަސްވުމެއްގެ ދަށުން އެސްޓަންވިލާއަށް ބަދަލުވެއްޖެއެވެ.
މި މަހުގެ ޓްރާންސްފާ މާކެޓް ތެރޭގައި ކުޓީނިއޯ ބާސެލޯނާ ދޫކޮށްލާނެކަން މީގެ ކުރިންވެސް ޔަގީންވެފައިވާއިރު، އޭނާ ދެން ގުޅޭނެ ކްލަބެއް ވަރަށް އަވަހަށް އިއުލާނުކުރާނެ ކަމަށް ސްޕެއިނުގެ މީޑިއާތަކުން ރޭވަނީ ރިޕޯޓްކޮށްފައެވެ. ކުޓީނިއޯ, ގެންނަން އޭނާގެ ކުރީގެ ކްލަބް ލިވަޕޫލްގެ އިތުރުން ދެން ހުށަހަޅާފައި އޮތީ އެސްޓަން ވިލާ، އެވަޓަން، ޓޮޓެންހަމް އަދި އާސެނަލް ހިމެނެއެވެ.
ކުޓީނިއޯގެ ކުރީގެ ކެޕްޓަން ސްޓީވެން ޖެރާޑް މިހާރު ހުރީ އެސްޓަން ވިލާގެ ކޯޗުކަމާ ހަވާލުވެއެވެ. އެސްޓަން ވިލާއިން ޖެނުއަރީ ޓްރާންސްފާގައި ކުޓީނިއޯ ގެންނަން އެންމެ ބޮޑަށް ބާރުއަޅަނީ ޖެރާޑެވެ. އާސެނަލްއިން ވެސް ކޫޓިނިޔޯއަށް ފުރުސަތެއް އެބައޮތް ކަމަށް މީގެ ކުރިން ބްރެޒިލްގެ ޓީވީ އަކުން ރިޕޯޓްކޮށްފައިވެއެވެ.
އެސްޓަންވިލާ މިވަގުތު އޮތީ ޕްރިމިއަރ ލީގު ތާވަލުގެ 13 ވަނައިގައެވެ. ކުޓީނިއޯ ދިއުމާއި އެކު ބާސެލޯނާއަށް ވެސް ބޮޑު ލުޔެއް ލިބިގެންދާނެ އެވެ. އެއީ ސިޓީން އެ ކުލަބަަށް ގުޅުނު ފެރާން ޓޮރޭސް ކުލަބުގައި ރަޖިސްޓްރީ ކުރުމަށް ފަސޭހަވާނެ އެވެ. ކުޓީނިއޯގެ ބޮޑު މުސާރައެއް ދޭއިރު މިއީ ބާސެލޯނާއަށް ލިބުނު ބޮޑު ލުޔެކެވެ.
ކޮމެންޓު ފޮނުވާ