ހދ. ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތަށް ބޭނުންވާ ކޮންކްރީޓް ގަލުގެ ތިންވަނަ ޝިޕްމަންޓް ޕްރޮޖެކްޓް ސައިޓަށް ގެންގޮސްފިއެވެ.
އެމްޓީސީން ބުނެފައިވަނީ މި މަޝްރޫޢުގެ ދަށުން، 53,522.50 ކިއުބިކް މީޓަރުގެ އައު ހާބަރ ބޭސިން ފުންކުރުމާއި، 31,575.50 ކިއުބިކް މީޓަރުގެ ބަނދަރަށް ވަދެވެން އޮންނަ ދިމާ ނެރު ފުންކުރުމާއި، 355 މީޓަރުގެ ސަރަޙައްދެއްގައި ބޭރުތޮށި ލުމާއި، 50 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 270 މީޓަރުގެ ސަރަޙައްދެއްގައި އެއްގަމުތޮށި ލުމާއި، 2583 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމުގެ މަސައްކަތް ހިމެނޭ ކަމަށެވެ.
ހދ. ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތަށް ބޭނުންވާ ކޮންކްރީޓް ގަލުގެ ތިންވަނަ ޝިޕްމަންޓް 4 ޖެނުއަރީ 2022 ވަނަ ދުވަހު ވަނީ ޕްރޮޖެކްޓް ސައިޓަށް ގެންދެވިފައި.#MTCCProjects #RayyithungeKunfuni pic.twitter.com/6q2IHtzEwN
— MTCC Plc (@MTCCPlc) January 5, 2022
ރާއްޖޭގެ ގިނަ ރަށްތެކެކޭ އެއްފަދައިން ހދ. ހަނިމާދޫ ރައްޔިތުންނަކީވެސް ލަފާފުރުމާއި ބަނދަރުގެ ދަތިކަން އިހްސާސްކުރަމުންދާ ބައެކެވެ. އާބާދީގައި 2000 އަށްވުރެ ގިނަ މީހުން އުޅޭ ހަނިމާދޫގައި ލަފާފުރުމަށް 70 އަށްވުރެ ގިނަ އުޅަނދު ބޭނުންކުރެއެވެ. އަދި ދުވާލެއްގެ މައްޗަށް އެހެން ރަށްރަށުގެ އުޅަނދުފަހަރުތަކާއެކު ގާތްގަނޑަކަށް 100 އަށްވުރެ ގިނަ އުޅަނދު އެރަށަށް ލަފާފުރައެވެ. ބަނދަރެއް އޮތްނަމަވެސް އެ ބަނދަރަކީ އެރަށުގެ އޮޑިދޯނިފަހަރަށާއި ލަފާފުރުމަށް ބޭނުންކުރަން ރައްކާތެރި ބަނދަރެއް ނޫނެވެ.
މިހާރު ހަނިމާދޫގައި ބޭނުންކުރަމުންދާ 500 ފޫޓް ދިގު 250 ފޫޓް ފުޅާ ބަނދަރަކީ ކުރީގެ ރައީސް މައުމޫންގެ ވެރިކަމުގައި އެރަށުގައި ތަރައްގީކޮށްފައިވާ ބަނދަރެކެވެ.
މި މަޝްރޫޢަކީ 57.1 މިލިއަން ރުފިޔާގެ މަޝްރޫޢެއް.
