ޤައުމީ އެއަރލައިން، މޯލްޑިވިއަންގެ ފްލައިޓުތަކުގައި އެކަނިވެސް 8 ހާހެއްހާ ބަންގްލަދޭޝްގެ މީހުން އަނބުރާ ޤައުމަށް ފޮނުވާލާފައިފިއެވެ. ޤައުމީ އެއަރލައިނުން މިއަދު ކުރި ޓްވީޓެއްގައި ބުނެފައި ވަނީ ބަންގްލަދޭޝްގެ އިތުރު 200 މީހުން އަނބުރާ ޤައުމަށް ފުރުވާލާފައިވާކަމަށެވެ.
Our today’s repatriation flight about to depart to Dhaka with 200 Bangladeshi nationals.#Maldivian#NationalAirline ?? pic.twitter.com/BV4L7gRIO4
— Maldivian (@MaldivianAero) November 5, 2020
މޯލްޑިވިއަނުން މިދޔަ މަހުގެ 14 ވަނަ ދުވަހު ވަނީ އެއަރލައިނުން އެކަނިވެސް 7732 ބަންގްލަދޭޝް މީހުން އަނބުރާ އެމީހުންގެ ޤައުމަށް ގެންގޮސްދީފައިވާކަމަށެވެ. އެހެންކަމުން މިއަދު ފުރުވާލި 200 މީހުންނާއެކު މިހާތަނަށް 7،932 މީހަކު ވަނީ ބަންގްލަދޭޝްއަށް ފޮނުވާލާފައެވެ. ކޯވިޑް-19ގެ ސަބަބުން ވަޒީފާ ގެއްލުނު މީހުންނާއި، ޤަވާއިދާ ޚިލާފަށް ރާއްޖޭގައި އުޅޭ ބިދޭސީން ފޮނުވާލުމުގެ މަސައްކަތުގެ ދަށުން މިހަތަނަށް މޯލްޑިވިއަނުން ވަނީ 40 ވުރެ ގިނަ ދަތުރު ކޮށްފައެވެ.
Our 40th #repatriation flight with 200 Bangladeshi nationals has left to Dhaka from @VelanaAirport.
As of today, #Maldivian has flown a total of 7732 Bangladeshi passengers on these repatriation flights.#NationalAirline ?? pic.twitter.com/0sItNbWBwo
— Maldivian (@MaldivianAero) October 14, 2020
ކޯވިޑް-19ގެ ސަބަބުން ވަޒީފާއަށް އަސަރުކޮށްގެން ރާއްޖޭގައި ދިރިއުޅޭ ގިނަ ޢަދަދެއްގެ ބިދޭސީން އަނބުރާ ޤައުމަށް ދިއުމަށް އެދެމުންދެއެވެ. އަދި ޤަވާއިދާއި ޚިލާފަށް ރާއްޖޭޣައި ދިރިއުޅޭ ބިދޭސީންވެސް އަނބުރާ ޤައުމަށް ފޮނުވާލުމަށް ސަރުކާރުން ފަށާފައިވާ ޕްރޮގްރާމްގެތެރެއިން މިހާތަނަށް އެކި ޤައުމުތަކުގެ 18 ހާހަސްވުރެ ގިނަ މީހުން ފޮނުވާލާފައިވާކަމަށް އިމިގްރޭޝަންގެ ތަފާސް ހިސާބުތަކުން ދައްކައެވެ.
އެއްވެސް ލިޔެލިއުމެއް ނެތް ޤަވާދާއި ޚިލާފަށް ރާއްޖޭގައި ދިރިއުޅޭ ބިދޭސީންގެ ޢަދަދު 63،000 އަށްވުރެ މައްޗަށް އަރާއިރު، މިއަހަރު ނިމުމުގެ ކުރިން 20،000 މީހުން ފޮނުވާލުމަކީ އަމާޒެއްކަމަށް ސަރުކާރުން ބުނެފައިވެއެވެ. ޤަވާއިދާ ޚިލާފަށް ލިޔެކިޔުން ނެތި ރާއްޖޭގައި މަސައްކަތްކުރާ ބިދޭސީންގެ މައްސަލަ ބޮޑުވެ އިޖުތިމާޢީ ގިނަ މައްސަލަތަކެއް އަންނަނީ ފެންމަތިވަމުންނެވެ.
ކޮމެންޓު ފޮނުވާ