ތަފާތު ތިން ކެރެކްޓާ އަކުން ބޮލީވުޑްގެ އެކްޓަރ ޖޯން އަބްރަހަމަ ފެނިގެން ދިއަ ފިލްމް "ސައްތިޔަމޭވަ ޖަޔަތޭ 2″ އެމެޒަން ޕްރައިމް ވީޑިއޯ އިން ސްޓްރީމްކުރަން ފަށައިފިއެވެ.
"ސައްތިޔަމޭވަ ޖަޔަތޭ 2″ ރިލީޒް ކޮށްފައިވަނީ މިދިއަ މަހުގެ 26 ގައެވެ. މި ފިލްމުގައި ޖޯންގެ ތަފާތު 3 ކެރެކްޓާއެއް ފެނިގެން ދެއެވެ. މި ފިލްމަކީ "ސައްތިޔަމޭވަ ޖަޔަތޭ" ގެ ސީކުއަލް އެކެވެ. އެ ފިލްމް ރިލީޒް ކުރީ 2008 ވަނަ އަހަރުއެވެ.
މިލާޕް ޒަވޭރީ ޑައިރެކްޓު ކުރި މި ފިލްމަކީ ބޫޝަން ކުމާރުގެ ޓީ-ސީރީޒުން ގެނެސްދިން ފިލްމެކެވެ. މި ފިލްމުގައި ޖޯން އާއި އެކު ބަތަލާގެ ރޯލުން ފެނިގެން ދަނީ ބޫޝަން ކުމާރުގެ އަންހެނުން ދިވްޔާ ކޯސްލާ ކުމާރުއެވެ.
ޖޯން މިހާރު އަންނަނީ ބޮޑު ކާސްޓެއް ހިމެނޭ ފިލްމް "ޕަތަން"ގެ މަސައްކަތްތައް ކުރަމުންނެވެ. މި ފިލްމަކީ ޝާހްރުކް ޚާނާއި ދީޕިކާ ޕަޑުކޯންގެ އިތުރުން ވެސް ބޮލީވުޑްގެ ނަން މަޝްހޫރު ގިނަ ތަރިން ތަކެއް ފެނިގެން ދާނެ ފިލްމެކެވެ.
ކޮމެންޓު ފޮނުވާ