ޕާކިސްތާންގެ މަޝްހުރު ލަވަކިއުންތެރިއާ އާތިފް އަސްލަމްގެ ފުރަތަމަ ޓީވީ ޑްރާމާ "ސަންގް އޭ މާހް"ގެ ޕްރޮމޯ ދައްކަން ފަށައިފިއެވެ.
މި މަހުގެ ތެރޭގައި ހަމް ޓީވީއިން ދައްކަން ފަށާ މި ޑްރާމާގައި އާތިފް އަސްލަމް ގެ އިތުުން މޯމިނާ ދުރައިދާއި ހާނިއާ އާމިރާއި، ކުބްރާ ހާން އަދި ނައުމާ އިޖާޒްހިމެނެއެވެ.
View this post on Instagram
މަޝްހޫރު އެތަށް ލަވައެއް ކިޔައިފައިވާ އާތިފްގެ ފާހަގަ ކޮށްލެވޭ ރީތި ލަވަތަކެއް ވަނީ ބޮލީވުޑްގެ ބައެއް ފިލްމްތަކުންވެސް ފެނިގެން ގޮސްފައެވެ. މީގެތެރޭގައި ފިލްމު ރޭސްގެ "ބޭބީ އައި ލަވް ޔޫ"، ފިލްމު ޒެހެރުގެ "ވޯ ލަމްްހޭ ވޯ ބާތޭ"، ޓައިގާ ޒިންދާ ހޭގެ "ދިލް ދިޔާ ގައްލާ" އަދި ރުސްތަމްގެ "ތެރެ ޔާރާ" ފަދަ އެތައް ލަވައެއް ހިމެނެއެވެ.
މީގެ ކުރިން އެތައް ވީޑިއޯ ލަވަތަކާއި ފިލްމެއްވެސް ކުޅެފައިވާ އާތިފް އަކީ މުނިފޫހި ފިލުވުމުގެ ދާއިރާއިން ޕާކިސްތާނުގައި އެންމެ ފާހަގަކޮށްލެވޭ އެއް ނަމެވެ. އާތިފް ކުޅެފައިވާ ފިލްމަކީ ޕާކިސްތާންގެ މަޝްހޫރު ބަތަލާ މާހިރާ ޚާނާއެކު ކުޅުނު 2011 ގެ "ބޯލް" އެވެ. އެ ފިލްމަކީ އާތިފްގެ އެކްޓިންގެ ފެށުމެވެ.
