ކޮތަރު ކޮށި ނަމުގައި ޕީޕީއެމްއިން ހުޅުމާލޭގައި ބޭއްވުމަށް މަސައްކަތް ކުރި ޖަލްސާ އެންމެ ފަހުން ކާނިވާ ސަރަހައްދަށް ބަދަލުކޮށް، މިޖަލްސާގައި ވާހަކަ ދައްކަވަމުން، އެމަނިކްފާނުގެ ވެރިކަމުގައި ކުއްލި ނުރައްކަލުގެ ހާލަތު އިއުލާން ކުރަންޖެހުނު ގޮތުގެ ހަގީގަތް ރައީސް ޔާމިން ވިދާޅުވެ ދެއްވައިފިއެވެ. އަދި ސުޕްރިމް ކޯޓުގެ ޓިނު ނެގި ކަމަށް ވަރަށް ގިނަ ބަޔަކު ބުނާ ކަމަށާއި، މި ޖަލްސާގައި ޓިނު ނެގި ނެގުމުގެ ސާފު ހަގީގަތްވެސް ވިދާޅުވެ ދެއްވަން ބޭނުންފުޅު ވާކަމުގައި ރައީސް ޔާމިން ވިދާޅުވިއެވެ.
"2018 ފެބްރުއަރީ މަހުން 1 ވަނަ ދުވަސް، ދިވެހިރާއްޖެއަށް ދިމާވި އެންމެ ބޮޑު ހަނދުކޭތަ ހިފި ދުވަސް، އަޅުގަޑު ކުރިން ދަންނަވާ ކަމަށް ވަންޏާ އެއީ ޝާހީ ބަޢާވާތްފުޅެއް. ޖުޑީޝަރީތެރެއިން ގެނައި ބަޢާވާތްފުޅެއް. މިހާރު އެބާހަކަ ބައެއް ބޭފުޅުން އެބަ ދައްކަވާ، ސުޕްރީމް ކޯޓުން ޓިނު ނަގައިގެން ވަންނަން ޖެހުނު ވާހަކަ. އޭގެ ތަފްސީލުވެއް މިރޭ އަޅުގަޑު ދަންނަވާނަން."
– ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި 1 ފެބްރުއަރީގެ އަމުރު ސުޕްރިމް ކޯޓުން ނުކުރުން އަވައްޓެރި އެއްވެސް ގައުމަކަށް އެކަމުން ދައްޗެއް ނުވިކަމަށާއި، އުދަގުލެއް ނުވި ކަމަށެވެ.
ރައީސް ޔާމިން ވިދާޅުވި ގޮތުގައި ސުޕްރީމް ކޯޓިގެ ހުކުމް އައީ މިރާއްޖޭގައި ނަސްލެއް ނައްތާލަން މަސައްކަތް ކުރާތީ ނޫންކަމުގައެވެ. އަދި އެއްވެސް ގޮތަކަށް ބަޔަކަށް އަނިޔާ ކުރާތީކީވެސް ނޫން ކަމަށެވެ. އަދި ރާއްޖޭގައި ތަފާތު ނަސްލުތަކެއް އޮވެގެން އެއް ނަސްލެއްގެ ބަޔަކު ނައްތާކަން މަސައްކަތް ކުރީކީއެއް ނޫންކަމަށެވެ. އެހެންނަމަވެސް، އަވައްޓެރި ބައެއް ގައުމުތަކުގައި އެހާލަތު އޮތީ އެގޮތަށްތޯ ރައީސް ޔާމިން ސުވާލު ކުރެއްވިއެވެ. އަދި އެގައުމުގައި މަރުވެގެން އެދަނީ، ހަލާކުވެގެން އެދަނީ ކިތައް މީހުންތޯ ފުރާނަ ގެއްލިގެން އެދަނީ ކޮން ނަސލުތަކެއްގެ މީހުންތޯ ރައީސް ޔާމިން ސުވާލު އުފެއްދެވިއެވެ.
އެހެންކަމުން މިސަރަހައްދުގައި ރާއްޖެއާއި ދިމާލަށް އެއްޗެކޭ ބުނެވޭނެ ބައެއް ނެތްކަމުގައި ރައީސް ޔާމިން ވިދާޅުވިއެވެ. ސަބަބަކީ އެމީހުން އިންސާނީ ހައްގުތަކުގެ ރެކޯޑް ރާއްޖެއަށްވުރެ އެތައް ތަނަކުން ފަހަތުގައި އުޅޭތީ ކަމުގައިވެސް ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި 2018ގަ ސުޕްރީމް ކޯޓުން ޓިނު ނަގަން ޖެހުނީ ހަމަ އެންމެ ސަބަބަކާ ހެދި ކަމަށެވެ. އެއީ އެއްގޮތަކަށްވެސް ދާޚީލީ ހަމަނުޖެހުމެއް އޮވެގެން ނޫންކަމަށާއި، އެއީ އެގޮތަކަށްވެސް ރާއްޖެއަށް އުދުވާނީ ހަމަލާތަކެއް އަތުވެދާނީ ކުރަންޖެހުނު ކަމެއް ނޫން ކަމަށެވެ. އަދި އެކަން ކުރަންޖެހުނީ ރައްޔިތުންގެ ތެރޭގައި މަސްލަހަތު ގެއްލި މަގުތަކުގައި އަމާންކަން ގެއްލިދާނެތީވެސް ނޫންކަމަށެވެ.
އަދި މުރައިދޫ ގަޑުވަރު ރަދުން މަގާމުން ވަކިވެގެން ދިޔައިރު، ތަންތަން ހުޅުޖަހާ ރޯކުރުމުގެ ބާރާއި ކެޕޭސިޓީ އިދިކޮޅުގަ ހުރެގެނެއްވެސް ނޫން. އެއިން އެއްވެސްކަމެއް އޭރު ދިވެހިރާއްޖެއަކު ނުކުރެވުނީސް. އެއަށްވުރެން އަޅުގަޑުމެންގެ ސަލާމަތީ ބާރުތަކަށް އަޅުގަޑު ޚުދު އެމީހުންނަށް ހިތްވަރު ދިނިން.
– ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވީ ސުޕްރީމް ކޯޓުގެ ޓިނު ނަގަން ޖެހުނީ އެއިން އެއްވެސް ކަމެއް ކޮށްފާނެތީ ނޫން ކަމުގައި ކަމަށާއި، އެއަށްވުރެ މާ އާދައިގެ ކަމެއްގައި ކަމަށެވެ. އެހެންނަމަވެސް، އެކަން ކުރަންޖެހުނުގޮތް ދަންނަވަން ބޭނުންފުޅުވާ ކަމުގައި ވިދާޅުވިއެވެ.
އަޅުގަޑުމެން ކުއްލި ނުރައްކަލުގެ ހާލަތު އިއުލާން ކޮށްގެން ނޫނިއްޔާ ބައެއް ގާނޫނުތައް ސަސްޕެންޑް ކުރެވޭނެ ގޮތެއް ނޯވޭ. ދިވެހިރާއްޖޭގެ ގާނޫނު އަސާސީ ހުއްދަދޭ ހާލަތާއި ގުޅިގެން ހެދިފަ ހުންނަ ގާނޫނުތައް ނޫނިއްޔާ އުސޫލުން ބޭރުން، ނޫނީ އުސޫލާއި އެއްގޮތްކަމަށް ހީވާ ގާނޫނުތައް ގަވާއިދުތައް ސަސްޕެންޑް ކުރުމުގެ ބާރު މިދެންނެވި ގޮތަށް ކުއްލި ނުރައްކަލުގެ ހާލަތުގަ އަޅުގަޑުމެންނަށް ދޭ.
– ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި އޭރު ސުޕްރިމް ކޯޓުގެ އެންމެ އިސް ފަޑިޔާރަކަށް ހުންނެވި އަބުދުﷲ ސައީދާއި ދެން އެންމެ އިސްކޮށް ހުންނެވި އަލީ ހަމީދުގެ ކަރަޕްޝަންގެ މައްސަލަތަކެއް ފެންމަތިވެގެން ދިޔަ ކަމަށެވެ. ހުޅުމާލޭގަ އެބޭފުޅުން ކުއްލިއަކަށް ބައްލަވައިގެންފަ ހުރި އެޕާޓްމަންޓްތަކެއް ފެނިގެން ދިޔަ ކަމަށާއި، މެލޭޝިއާގެ ކުއާލަ ލަމްޕޫރުގަ އެބޭފުޅުން ބައްލަވައިގެންފަ ހުރި، އެބޭފުޅުންގެ ތަނަވަސްކަމާއި ނުބައްދަލު ތަނަވަސްކަމެއްގެ ތެރެއިން ހޯއްދަވާފަ ހުރި އެޕާޓްމަންޓަތަކެއްގެ މައްސަލަވެސް ފެންމަތިވެގެން ދިޔަ ކަމަށެވެ.
މިހަގީގަތްތައް ފުލުހުން އޭރު ހާމަ ކުރި ކަމަށާއި، މިހަގީގަތްތައް ކިޔައިދޭން އޭރު އެރުއްވީ ނަވާޒްކަމުގައި މިޖަލްސާގައި ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި ދެން ބެއްލެވީ މިބޭފުޅުން ފައިސާ އައި ގޮތްތައް ކަމަށެވެ. ރައީސް ޔާމިން ވިދާޅުވި ގޮތުގައި އެބޭފުޅުންނަށް ފައިސާ އައިސްފަ ހުންނަނީ ދީލަތި މަހުޖަނެއްގެ "އަންޑަރ ޓޭކިންއެއްގެ" ދަށުން ކަމަށެވެ. އަދި އެއީ ޖާމިނުވެގެން އައިސްފަހުރި ކަންތައްތަކެއް ކަމަށެވެ.
އެހެންކަމުން ސުޕްރިމް ކޯޓުގެ ފަޑިޔާރުންގެ މިމައްސަލަތައް ބެއްލެވުން އޭރު ލާޒިމްވެގެން ދިޔަކަމަށްވެސް ރައީސް ޔާމިން ވިދާޅުވިއެވެ. ރައީސް ޔާމިން ވިދާޅުވި ގޮތުގައި 1 ފެބްރުއަރީގެ ހުކުމް މޯޓިވްއެއްކަމަށް އެމަނިކްފާނަށް ގަބޫލުކުރެވުނީ މި ލިބިލެއްވި އަގުބޮޑު ހަދިޔާ ކަމަށެވެ.
ރައީސް ޔާމިން ވިދާޅުވިގޮތުގައި އޭރު މަނީ ލޯލްނޑަރިންގ ގާނޫނު އޮތްނަމަ މި ހުރިހާ ބޭފުޅުންވެސް ބަރާބަރަށް ހަތަރެސްކަނަށް މިގާނޫނުގެ ތެރެއަށް ފެތުނީސްކަމަށެވެ. އަދި ވިދާޅުވީ މިހާރު އެމައްސަލަތައް ބަލާ ތަހުގީގު ކުރިނަމަވެސް އެބޭފުޅުންގެ ދިފާއެއް ނޯންނާނެ ކަމަށެވެ.
ރައީސް ޔާމިން ވިދާޅުވި ގޮތުގައި، މިހާހިސާބަށް ކަންތައް ދިއުމުން ސުޕްރިމް ކޯޓުގެ ފަނޑިޔާރުން އެކުލަވާލެއްވީ ގަވާއިދެއް ކަމަށެވެ. މިގަވާއިދުގައި ވާގޮތުން، ސުޕްރީމް ކޯޓުގެ ބެންޗުން ފާސްކޮށްގެން މެނުވީ ސުޕްރީމް ކޯޓުގެ އެއްވެސް ފަނޑިޔާރަކު އެއްވެސް ތަހުގީގަކަށް ހާޒިރު ކުރެވޭކަށް ނެތްކަމަށެވެ.
ރައީސް ޔާމިން ވިދާޅުވި ގޮތުގައި މިއީ ފާޅުކަން ބޮޑު ގޮތެއްގައި ގާނޫނު އަސާސީން ޖޭއެސްސީއަށް ދީފަ އޮތް ބާރުތަކަކަށް އަރައިގަތް ގަތުމެއް ކަމަށެވެ.
ޖޭއެސްއީއަށް އެބަ ހާޒިރު ކުރެވޭ ތަހުގީގަށް ކޮންމެ ފަނޑިޔާރެއްވެސް. އިސްތިސްނާއެއް ނެތި. އެކަމަކު މި ބޭފުޅުން، މި ބޭފުޅުންގެ ވަށައިގެން ސެކިއުރިޓީ ޕެރިމީޓަރއެއް މި ދަމާލީ، ތިމަންނަމެން ހާޒިރެއް ނުކުރެވޭނެއޭ، ތިމަންނަމެންގެ މަޖިލީހުން ފާސްކޮށްގެން ނޫނީ. މަޖިލިސް ރިޔާސަތު ބަލަހައްޓާނީ ކާކުތޯ؟ މަޖިލިސްގެ ރިޔާސަތު ބަލަހައްޓަނީ ސުޕްރީމް ކޯޓުގެ އިސް ފަނޑިޔާރު. ތުހުމަތުގެ މަސައްލަ، ކަރަޕްޝަންގެ މައްސަލަ ހުށަހެޅިފައި މިއޮތީ ކާކަށްތޯ؟ ތުހުމަތުގެ މައްސަލަ ހުށަހެޅިފަ މިއޮތީ އަބުދުﷲ ސައީދަށް. ފަނޑިޔާރަކަށް ހުރީ ކާކުތޯ؟ އަބުދުﷲ ސައީދު. ވަކާލާތު ކުރަން ހުރީ ކާކުތޯ؟ އަބުދުﷲ ސައީދު. ޑިފެންޑެންޓަކަށް ހުރީ ކާކުތޯ؟ އަބުދުﷲ ސައީދު. އާއިދައްޖަ، ޖާދައްޖަ ޖޫރީ. އަބުދުﷲ ސައީދު،
ރައީސް ޔާމިން ވިޑާޅުވީ ސުޕްރީމް ކޯޓުން އަމިއްލައަށް އެކުލާވާލި އުސޫލުގަ އޮތް އެ މާއްދާ އުވާލަންޖެހުނީ އެހެން ވެގެން ކަމަށެވެ.
"ހަމަ އެކަނި އެމާއްދާ އުވާލުމަށްޓަކާ ކުއްލި ނުރައްކަލުގެ ހާލަތު އިއުލާން ކުރީ،"
– މިޖަލްސާގައި ވާހަކަ ދައްކަވަމުން ރައީސް ޔާމިން ވިދާޅުވިއެވެ. އަދި އެބޭފުޅުން ތަހުގީގަކަށް ހާޒިރުކުރެވޭނެ އެހެން އެއްވެސް ގޮތެއް ނެތިގެން ކުރައްވަން ޖެހިވަޑައިގަތް ކަމެއްކެ ކަމަށެވެ.
