ސަރުކާރު އޮފީސް އަދި ކުންފުނިތަކަށް ހުޅުވާލައިގެން ކުރިިޔަށްގެންދާ ކްލަބް މޯލްޑިވްސް ކަޕްގެ ދެވަނަ ބުރަށް ދަތުުރުކުރި ޓީމުތައް ކަށަވަރުވެއްޖެއެވެ.
އެއް އަހަރުގެ މެދުކެނޑުމަކަށްފަހު މިއަހަރު ކްލަބް މޯލްޑިވްސް ބާއްވާއިރު، މިއަހަރުގެ މުބާރާތުގައި 32 ޓީމެއް ވާދަކުރެއެވެ.
މި މުބާރާތުގެ މެޗުތައް ހުޅުމާލެ ރެހެންދި ޓާފް ދަނޑުގައި ކުރިޔަށްދާއިރު، ރޭ ވަނީ ގްރޫޕް ސްޓޭޖުގެ ފަހު މެޗުތައް ކުޅެ ނިންމާލާފައެވެ.
މި މުބާރާތުގެ ދެވަނަ ބުރަށް ގްރޫޕް އޭގެ އެއްވަނަ ޓީމުގެ ގޮތުގައި ދަތުުރުކުރީ އެމް.އޭ.ސީ.އެލް އެވެ. އަދި ރަނަރަޕް ޓީމުގެ ގޮތުގައި އުރީދޫ ވަނީ ދެވަނަ ބުރަށް ދަތުރުކޮށްފައެވެ. ގްރޫޕް ބީ ގެ އެއްވަނަ ޓީމުގެ ގޮތުގައި ޕޮލިސް ކްލަބް ދެވަނަ ބުރުން ޖާގަ ހޯދިއިރު، ރަނަރަޕް ޓީމުގެ ގޮތުގައި ދެވަނަ ބުރުން ޖާގަ ހޯދީ، ޓްރޭޑް ކްލަބެއެވެ. ގްރޫޕް ސީ އިން ވެމްކޯ އާއެކު ދެވަނަ ބުރުން ޖާގަ ހޯދި އަނެއް ޓީމަކީ ސްޓެލްކޯއެވެ. ގްރޫޕް ޑީ ގެ އެއްވަނަ ހޯދައިގެން އެޗްޑީސީ ދެވަނަ ބުރަށް ދިޔައިރު، ރަނަރަޕް ޓީމުގެ ގޮތުގައި ދެވަނަ ބުރަށް ދިޔައީ ރޯޑް ރެކްރިއޭޝަން ކްލަބެއެވެ. ގްރޫޕް އީ ގެ އެއްވަނަ ދިރާގު ހޯދިއިރު ދެވަނަ ޓީމުގެ ގޮތުގައި ދެވަނަ ބުރުން ޖާގަ ހޯދީ އެފްއެސްއެމްއެވެ. ގްރޫޕް އެފް ގެ އެއްވަނަ ފެނަކައަށް ލިބުނު އިރު ދެވަނަ ލިބުނީ ޕްރިޒަން ކްލަބަށެވެ. ގްރޫޕް އެފް ގެ އެއްވަނަ ޓީމުގެ ގޮތުގައި އެމްޕީއެލް ދެވަނަ ބުރުން ޖާގަ ހޯދިއިރު، ރަނަރަޕް ޓީމުގެ ގޮތުގައި ދެވަނަ ބުރަށް ދަތުރުކުރީ ދިވެހި ސިފައިންގެ ކްލަބެއެވެ. އަދި ގްރޫޕް ޖީ އިން އެސްޓީއޯ އާއެކު ދެވަނަ ބުރުން އެމްޓީސީސީ ވަނީ ޖާގަ ހޯދާފައެވެ.
މި މުބާރާތުގެ ދެވަނަ ބުރުގައި ޓީމުތައް ކުޅޭ މެޗުތައް ކަނޑައަޅާނީ ގުރުއަތުލުމަށް ފަހުއެވެ. ދެވަނަ ބުރުގެ މެޗުތައް ފެށުމަށް ތާވަލް ކޮށްފައިވަނީ އަންނަ އަންގާރަ ދުވަހުއެވެ.
