ޑިފެންސް މިނިސްޓަރ މާރިޔާ އަހުމަދު ދީދީ ރަސްމީ ދަތުރުފުޅެއްގައި އިންޑިއާއަށް ވަޑައިގެންފިއެވެ.
މިނިސްޓަރ މާރިޔާ އިންޑިއާއަށް ވަޑައިގެންފައިވަނީ ސީދާ ކޮންކަމާއި ގުޅިގެންކަމެއް ޑިފެނެސް މިނިސްޓްރީން އަދި ހާމަކޮށްފައި ނުވެއެވެ. ނަމަވެސް މިނިސްޓަރ މާރިޔާ އިންޑިއާއަށް ވަޑައިގެންފަނީ 6 ދުވަހުގެ ދަތުރުފުޅެއްކަމަށް މައުލޫމާތު ލިބިފައިވެއެވެ.
މި ދަތުރުފުޅުގައި މިނިސްޓަރ ކޮޗީގެ އިތުރުން ކަންނޫރަށްވެސް ވަޑައިގަންނަވާނެއެވެ. ރާއްޖޭގެ ހުންނަ އިންޑިއާ ހައިކޮމިޝަނުން ކުރެއްވި ޓްވީޓެއްގައި ވިދާޅުވީ، މާރިޔާ ވެގެން ދާނީ އިންޑިއަން ނޭވަލް އެކަޑަމީގައި ޕާސިންގް އައުޓް ޕެރޭޑް ރިވިއު ކުރައްވާ ގައުމުން ބޭރު ފުރަތަމަ ޑިފެންސް މިނިސްޓަރަށް ކަމަށެވެ.
Mariya Ahmed Didi, Defence Minister of #Maldives arrived on a 6 day official visit to #Kochi & #Kannur.
The Defence Minister was recieved by Rear Adm and Mrs TVN Prasanna VSM, CSO(Trg), HQSNC.@rajnathsingh @MariyaDidi@indiannavy @MNDF_Official@HCIMaldives pic.twitter.com/6gb7sK7ggU— PRO Defence Kochi (@DefencePROkochi) November 23, 2021
އަދި މި ދަތުރުފުޅުގެ ތެރެއިން މިނިސްޓަރ ރާއްޖޭގެ ސިފައިން އިންޑިއާގައި ތަމްރީން ހަދަމުންދާ މަރުކަޒުތަކަށް ޒިޔާރަތް ކުރައްވާނެ ކަމަށްވެސް ހައިކޮމިޝަނުން ވިދާޅުވިއެވެ.
މިނިސްޓަރ މާރިޔާ އިންޑިއާއަށް ވަޑައިގެންފައިވާ މިވަގުތަކީ އިދިކޮޅު ފަރާތްތަކުން ރާއްޖޭގައި ތިބި އިންޑިއާ ސިފައިން ރާއްޖެއިން ބޭލުމަށާއި، އިންޑިއާއާއިއެކު ހަދާފައިވާ އެއްބަސްވުނަތައް ހާމަކުރުމަށް ގޮވާލައި މުޒާހަރާތައް އިތުރުކޮށްފައިވާ ވަގުތެކެވެ.
ކޮމެންޓު ފޮނުވާ