ޕެންޝަން އޮފީހުގެ ޗީފް އެގްޒެކެޓިވް އޮފިސަރު (ސީއީއޯ)ގެ މަޤާމުން ވަކިކުރި އިނގިރޭސިވިލާތުގެ ޖޯން ގްރިންޑަލް އެ އޮފިހާއި ދެކޮޅަށް ވަޒީފާއާއި ބެހޭ ޓްރައިބިއުނަލަށް މައްސަލަ ހުށައަޅައިފިއެވެ.
އިންޝުއަރެންސް އާއި ޕެންޝަން ދާއިރާގެ 25 އަހަރުގެ ތަޖުރިބާކާރަށް ވަޒީފާ ހަމެޖެއްސީ މިދިޔަ ޑިސެމްބަރު މަހުގެ ތެރޭގައެވެ. މަގާމުގައި އަހަރެއް ނުފުރެނީސް އޭނާ މަގާމުން ވަކިކުރަން، ޕެންޝަން އޮފީހުގެ ބޯޑުން ނިންމިއެވެ. އޭނާ ވަކިކޮށްފައިވަނީ ޖިންސީ ފުރައްސާރައިގެ މައްސަލައެއް ފެންމަތިވެފައިވާ ކަމުގެ ތުހުމަތުތަކެއް ކޮށްފައި ވަނިކޮށެވެ. މީގެ މަހެއްހާ ދުވަސް ކުރިން ކުރި އެ ތުހުމަތު ޕެންޝަން އޮފީހުން ވަނީ ދޮގުކޮށްފައެވެ.
ޖޯން ގްރިންޑަލް ވަނީ އޭނާ ވަޒީފާއިން ވަކިކުރީ ގޯސްކޮށްކަމަށް ބުނެ މައްސަލަ ޓްރިބިއުނަލަށް ހުށައަޅާފައެވެ. އަދި އެ މައްސަލައިގެ އަޑުއެހުމެއްވެސް މިއަދު ބާއްވާފައިވެއެވެ.
މި މައްސަލާގައި އޭނާ ވަނީ މި މައްސަލަ ވަކިގޮތަށް ނުނިމެނީސް ޕެންޝަން އޮފީހުގެ ސީއީއޯގެ މަޤާމަށް ބޭފުޅަކު އައްޔަންކުރުން ހުއްޓުވުމަށް ވަގުތީ އަމުރަކަށް އެދިފައެވެ. ނަމަވެސް މިކަމާއި ބެހޭ އިތުރު ތަފްސީލެއް ނުލިބެއެވެ.
