ދެކުނު ކޮރެއާގެ ކުރީގެ ރައީސް ރޯހ ޓައި ވޫ އުމުރުން 88 އަހަރުގައި އަވަހާރަ ވެއްޖެއެވެ.
ދެކުނު ކޮރެއާ ޚުދުމުޚުތާރު ވެރިކަމަކުން، ޑިމޮކްރަސީއަކަށް ރުޖޫޢަ ކުރުމުގައި މުހިންމު ދައުރެއް އަދާކުރެއްވި، ރޯހ ޓައި ވޫ އަވަހާރަ ވެފައިވަނީ، ދެކުނު ކޮރެއާގެ ވެރިރަށް ސޯލްގައި ހުންނަ ނޭޝަނަލް ޔުނިވަރސިޓީ ހޮސްޕިޓަލްގައެވެ. އޭނާ އަވަރާވި ސަބަބެއް މި ހޮސްޕިޓަލުން ހާމަ ކޮށްފައެއް ނުވެއެވެ.
2002ވަނަ އަހަރު ޕްރޮސްޓޭޓް ކެންސަރަށް ފަރުވާ ހޯއްދެވުމަށް އޭނާ ކުރެއްވި އޮޕަރޭޝަންއަކަށްފަހު އޭނާ އުޅުއްވާފައިވަނީ އާލާސްކަންފުޅާއެވެ. އަދި ފަހަކަށް އައިސް އޭނާވަނީ ގިނަ ފަހަރެއްގެމަތިން ހޮސްޕިޓަލުގައި އެޑްމިޓް ކުރެވި ފަރުވާވެސް ދެވިފައެވެ.
ރޯގެ ސިޔާސީ ހަޔާތް އެތައް އަހަރަކަށް ދިގު ދެމިގެންދިޔައިރު، އޭނާ ވަނީ އަސްކަރީ ބަޢާވާތެއް ގެނައުމުގައި އިސް ދައުރެއް އަދާކުރެއްވި ފަރާތެއްގެ ތުހުމަތު އޭނާގެ ބޮލުގައި އެޅިގެން ދިއުމަށްފަހު، ފަހުން ގިނަ ބައެއްގެ ތާއީދާއެކީ އެގައުމުގެ ރައީސްކަމަށް ވަޑައިގަންނަވާފައެވެ. އެހެންނަމަވެސް އޭނާގެ ސިޔާސީ ހަޔާތް ނިމިގެން ދިއުމުގެ ކުރިން އޭނާގެ އެނާގެ މައްޗަށް ޚިޔާނާތާއި ކޮރަޕްޝަންގެ ތުހުމަތު ކުރެވި އޭނާ ޖަލަށް ލެވިފައި ވެއެވެ.
"އަހަރެން މިހާރު ކުރީގެ ރައީސަކަށް ވީތީ ހިތާމަ ކުރަން،" އޭނާ ރައީސް ކަން ކުރެއްވިއިރު، 654 މިލިއަން ޑޮލަރުގެ ފަންޑެއްގެ ބޭނުން ކުރެއްވި މައްސަލާގައި، ޓީވީގައި ކަރުނަ އަޅާ މާފަށް އެދެމުން 1995 ވަނަ އަހަރު އޭނާ ވިދާޅުވެފައި ވެއެވެ.
