ކޯވިޑް-19ގެ ޙާލަތާއި ގުޅިގެން ރާއްޖޭގެ ބޯޑަރު ބަންދުކުރުމަށްފަހު އަލުން ހުޅުވާލި ފަހުން، ރާއްޖެއަށް އެންމެ ގިނަ ފަތުރުވެރިން އައި ދުވަހަކަށް މިއަދު ވެއްޖެވެ.
ޓުއަރިޒަމް މިނިސްޓަރ ޑރ.ޢަބްދުﷲ މައުސޫމް ކުރެއްވި ޓުވީޓެއްގައި ވިދާޅުވީ، ރާއްޖޭގެ ބޯޑަރު އަލުން ހުޅުވާލި ފަހުން، މިއަދު ރާއްޖެ ޒިޔާރަތްކުރި ފަތުރުވެރިންގެ އަދަދު ރެކޯޑް މިންވަރަކަށް އިތުރު ކަމަށެވެ. އެގޮތުން މިއަދު އެކަނިވެސް ރާއްޖެއަށް 1582 ފަތުރުވެރިން ޒިޔާރަތް ކޮށްފައިވާކަމަށް މިނިސްޓަރ ވަނީ ވިދާޅުވެފައެވެ.
Thanks and Congratulations to travel and tourism industry partners and related authorities.
▪︎Today we had a new record of daily arrivals since border opening with 1,582 tourists.
▪︎You made our arrival forecast for Oct a reality with over 21,000 tourists.#TogetherWeCan— Abdulla Mausoom (@Mausoom_Maus) November 1, 2020
މިނިސްޓަރ ވިދާޅުވީ އޮކްޓޫބަރު މަހު އެކަނިވެސް 21000 ފަތުރުވެރިން ރާއްޖެއަށް ޒިޔާރަތްކޮށްފައިވާއިރު މިއީ ކުރިން އަންދާޒާކުރި އަދަދަށްވުރެވެސް ގިނަ އަދަދެއް ކަމަށެވެ.
މިނިސްޓަރ ވަނީ ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރު ކުރުމަށް ފަތުރުވެރިކަމުގެ ދާއިރާގައި ޙަރަކާތްތެރިވާ ފަރާތްތަކާއި ކަމާ ގުޅުންހުރި އިދާރާތަކުން ކުރަމުންދާ މަސައްކަތް ފާހަގަކުރައްވައި އެ ފަރާތްތަކަށް ޝުކުރުވެސް އަދާކުރައްވާފައެވެ.
ކޯވިޑް-19ގެ ޙާލަތު އައުމުގެ ކުރިން ދުވާލެއްގެ މައްޗަށް އާންމު ގޮތެއްވައި އަށް ހާހެއްހާ ފަތުރުވެރިން ރާއްޖެއަށް ޒިޔާރަތް ކުރެއެވެ. އެގޮތުން ތަފާސްހިސާބުތަކަށް ބަލާއިރު ޖެނުއަރީ މަހުގެ ފުރަތަމަ ދުވަހުން ފެށިގެން މާޗު މަހު ބޯޑަރު ބަންދު ކުރުމާ ހަމައަށް 382760 ފަތުރުވެރިން ރާއްޖެއަށް އައިސްފައިވެއެވެ.
ކޮމެންޓު ފޮނުވާ