ކަޒްމިކް އިންޓަނޭޝަނަލް އަދި އައިފިލްމްސް އިން އުފައްދަމުން އަންނަ ކުރު ފިލްމު ސީރީޒް "މަޒުލޫމް" ގެ ތިން ވަނަ ފިލްމު "މިންޖު" ގެ ޓްރެއިލާ ދައްކާލައިފި އެވެ.
ފިލްމު ގެެނެސްދޭނެ ވަކި ތާރީހެއް އިއުލާން ކޮށްފައިނުވާ "މިންޖު" ވެސް ބެލުންތެރިންނަށް ގެނެސްދޭނީ "މަޒްލޫމް" އާއި އޭގެ ދެވަނަ ބައި "ޒައްރޫކް" ވެސް ސްޓްރީމްކުރި ބައިސްކޯފުންނެވެ.
"މަޒްލޫމް" އަކީ ކުރު ފިލްމު ތަކެއް ގޮތަށް ސިލްސިލާކޮށް ގެނެސްދޭ ފިލްމެކެވެ. މީގެ ކޮންމެ ފިލްމެއްގައިވެސް ގެނެސްދީފައިވަނީ މުޖުތަމައުގައި ހިނގާ ނޭދެވޭ ކޮންމެސް ކަމަށެވެ.
މީގެ ކުރީގެ ދެ ފިލްމަކީ ވެސް ބެލުންތެރިންގެ ވަރަށް ބޮޑު ތަރުހީބެއް ލިބިގެން ދިޔަ ފިލްމެއް ކަމުން މިފަހަރުގެ ފިލްމަށް ވެސް ބޮޑު ތަރުހީވެއް ލިބިގެން ދާނެކަމަށް ބެލެވެއެވެ.
މިފަހަރުގެ ފިލްމުގައި ރަވީ ފާރޫގް ބަތަލެއްގެ ރޯލުން ފެނިގެން ދާނެއެވެ. އަދި މުޅިން އަލަށް ތައާރަފުކުރާ ތާތި އާދަމްގެ އިތުރުން ކުޑަ ފިރިހެން ކުއްޖަކު މުހިއްމު ރޯލްތަކުން ފެންނާނިގެންދާ މި ފިލްމު ލިޔެ ޑައިރެކްޓް ކޮށްފައި ވަނީ އިލްޔާސް ވަހީދެވެ.
