ބޮލީވުޑްގެ އަރަމުން އަންނަ ބަތަލާ ޖާންވީ ކަޕޫރު އޭނާގެ އާ ޓެޓޫ ފޭނުންނަށް ދައްކާލައިފިއެވެ.
މިމަހުގެ 7 ވަނަ ދުވަހު ޖާންވީ އިންސްޓަގްރާމަށް ދޫކޮށްލި ފިޓޯތަކެއްގެ ތެރެއިން އޭނާގެ އަތުގައި ޖަހާފައިވާ ޓެޓޫ ވަރަށް ސާފުކޮށް ފެންނަ ފޮޓޯއެއް ވަނީ އާންމުކޮށްފައެވެ.
"އައި ލަވް ޔޫ މައި ލައްބޫ" ޓެޓޫގައި ލިޔެފައިވާއިރު ގިނަ ބަޔަކު ބުނަމުން އަންނަނީ އެއީ ޖާންވީގެ ލޯބިވެރިޔާގެ ނަން ކަމަށެވެ. ލޯބިވެރިޔާ ކަމަށް ބުނެ ގިނަ ބަޔަކު ކޮމެންޓް ކުރި ނަމަވެސް ފަހުން ވަނީ މި ޓެޓޫގައި އެބުނަނީ ކީކޭކަން ހާމަވެފައެވެ.
އެގޮތުން ޖާންވީގެ މި ޓެޓޫގެ ސިއްރު ހާމަކޮށްފައިވާއިރު އެއީ އާންމުކޮށް އޭނާގެ މަންމަ ޝްރީދޭވީ އޭނާއަށް މުހާތަބު ކުރާ ނަމެއް ކަން ވަނީ އެނގިގެން ގޮސްފައެވެ.
View this post on Instagram
2019 ވަނަ އަހަރު ނޭހާ ދުޕިއާގެ ޓޯކް ޝޯވ ގައި ވާހަކަ ދައްކަމުން ޖާންވީ ބުނެފައިވަނީ ޓެތޫޖެހުމަކީ އޭނާގެ މަންމަ އެއްވެސް ވަރަކަށް ހުއްދަނުދޭ ކަމެއް ކަމަށާއި އޭނާވެސް ކުރަން ޖެހިލުންވާ ކަމެއް ކަމަށެވެ.
ނަމަވެސް މަންމަގެ އަތުލިއުމުން ލިޔެފައިވާ ނޯޓެއްގައިވާ އިބާރާތްކޮޅު އޭނާގެ އަތުގައި ޓެޓޫކޮށްފައިވަނީ މަންމަ ދެކެ އޭނާވާ ލޯބި ހާމަކޮށްދިނުމަށެވެ.
ޚަބަރުތަށް ބުނާގޮތުގައި ޖާންވީ ވަނީ އަކްޝަތު ރާޖަންއާ ލޯބިގެ ގުޅުމެއް ބާއްވާފައެވެ. ނަމަވެސް އެގުޅުން މިހާރު ނޯންނަ ކަމަށްވެސް ޚަބަރުތައް ބުނެއެވެ.
ޖާންވީ އެންމެ ފަހުން ފެނިގެން ގޮސްފައިވަނީ ހޮރޯ ކޮމެޑީ ފިލްމް "ރޫހީ" އިންނެވެ. އޭނާގެ ކުރިއަށް އޮތް ފިލްމް އަކީ "ގުޑްލަކް ޖެރީ" އެވެ.
