ރައްޔިތުންގެ މަޖިލީުގެ މެމްބަރުންނަށް އިއްޒަތްތެރި މެމްބަރުން ނުކިޔައި، ދާއިރާގެ މެމްބަރު ކިޔުމަށް ހުށަހަޅުއްވާފައި ވާނެކަމަށް ރައްޔިތުންގެ މަޖިލީހުގެ އެމްޑީޕީގެ މުލަކު ދާއިރާގެ މެންބަރު އިކްރާމް ހަސަން ވިދާޅުވެއްޖެެއެވެ.
ރައްޔިތުންގެ މަޖިލީުގެ މެމްބަރުންނަށް އިއްޒަތްތެރި މެމްބަރުން ކިޔާއިރު، އިއްޒަތްތެރިކަން ނުލިބޭތީ އެކަމުގެ ކަންބޮޑުވުން ފާޅުކޮށް އިކްރާމް މަޖިލިސް ވަޓްސް އަޕް ގްރޫޕުގައި ލިޔުއްވި ވާހަކަތަކާއި ގުޅިގެން ޚަބަރު އޮންލައިނުން ގެނެސްދިން ޚަބަރު ޓެގްކޮށް އިކްރާމް ކުރެއްވި ޓްވީޓުގައި ވިދާޅުވީ އޭނާ ހުށަހަޅާފައިވަނީ އިއްޒަޔްތެރި ނިކިޔުމަށް ކަމަށެވެ. މިހާރު ކިޔާ ގޮތަށް އިއްޒަތްތެރި މެމްބަރުން ނުކިޔައި ދާއިރާގެ މެމްބަރުން ކިޔުން މާ ރަނގަޅުވާނެ ކަމަށް އިކްރާން ވަނީ ވިދާޅުވެފައެވެ.
އަޅުގަނޑުގެ ހުށަހެޅުމަކީ އިއްޒަތްތެރި ނުކިޔުމަށް. އިއްޒަތްތެރި ނުކިޔާ ދާއިރާގެ މެމްބަރު އެކަނި ކިޔަސް ރަނގަޅުވާނެ ނޫންތޯ؟
– އިކްރާމް ކުރެއްވި ޓްވީޓުގައި ވިދާޅުވިއެވެ.
Alhuganduge hushahelhumakee izzaiitheri nukiumah. Izzaitheri nukiyaa Dhaairaage Member ekani kiyas ragalhuvaane noontho?https://t.co/59LpPOmLYh https://t.co/uu0Dou0Qbl
— Ikram Hassan MP (@ikramhassan) October 2, 2021
މަޖިލީހުގެ އެމްޑީޕީގެ މެމްބަރުންގެ ތެރޭގައި މިއަދު ކުރެވެމުންދާ ބަހުސްގައި މެމްބަރު އިކްރާމް ވިދާޅުވީ މަޖިލީހުގެ މެމްބަރުންނަށް "އިއްޒަތްތެރި" މެމްބަރުން ކިޔާއިރު، އިއްޒަތްތެރިކަމެއް ނުލިބޭކަމަށެވެ. މެމްބަރުންނަކީ އާދައިގެ މީހުންނަށްވެސް ދަށް ބައެއްކަމަށް އޭނާ ވަނީ ބުނެފައެވެ. އިކްރާމް ވިދާޅުވީ މެމްބަރުންނަށް އިއްޒަތްތެރި ލަގަބު ދީފައި އެކަން ނުލިބޭނަމަ "ނިކަމެތި" މެމްބަރުން ކިޔުންވެސް މާ ރަނގަޅު ވާނެކަމަށެވެ.
އިކްރާމްގެ ވާހަތަކަށް އެމްޑީޕީގެ ރައީސް ނަޝީދަށް ތާއީދު ކުރައްވާ މެމްބަރުން ވަނީ ވަރަށް ބޮޑަށް ފާޑުވިދާޅުވެފައެވެ. މެންބަރު އިކްރާމުގެ ޝަކުވާތަކާ ގުޅިގެން މަޖިލީހުގެ ނައިބް ރައީސް އީވާ އަބްދުﷲ ވިދާޅުވީ ގާނޫނުތަކާއި މަޖިލީހުގެ ގަވައިދު ފާސްކުރަނީ މެންބަރުން ކަމަށްވާތީ މަޖިލީހުގެ އިދާރާއިން ލާޒިމުކުރާ ކަމެއް ނެތް ކަމަށެވެ. އަދި ކިއުގައި ޖެހިވަޑައިނުގެން މެންބަރުންނަށް ހިދުމަތް ލިބޭނެ ގޮތް ހެދުމަށް ގާނޫނާއި ގަވައިދުތަކަށް ގެނެވޭނެ ބަދަލުތަކުގެ ތަފްސީލަކަށް ވެސް އީވާ އެދިވަޑައިގެންނެވިއެވެ.
މަޖިލިސްގެ މެމްބަރުންގެ މެދުގައި ޚާއްސަކޮށް އެމްޑީޕީގެ މެމްބަރުންގެ މެދުގައި ކުރެވޭ މިބަހުސްގައި މަޖިލިސް ރައީސްވެސް ވަނީ މެމްބަރުންނަށް ރައްޔިތުން ފާޑުކިޔަނީ މާބޮޑަށް ބޮޑާވާތީކަމަށް ވިދާޅުވެފައެވެ. މަޖިލީހުގެ މެމްބަރުން ކުރާ ދަތުރު ދަތުރުތަކުގައި ވީއައިޕީ ލައުންޖު ބޭނުން ކުރާއިރު، އެކުގައިދާ އެކުވެރިންނަށްވެސް އެތަން ބޭނުން ކުރެވޭ ގޮތަށް އެމްޑީޕީގެ ކޮންޓްރޯލް އޮންނަ އާންމު ކޮމެޓީން ނިންމުން ގިނަ ރައްޔިތުންގެ ފާޑުކިޔުން ވަނީ އަމާޒުވެފައެވެ.
