ބުދަ ދުވަހު މުޅި ސޯޝަލް މީޑިއާ ކައްކުވައިލީ ކުރީގެ ބަތަލާ ސަމީރާ ރެއްޑީ އިންސްޓަގްރާމްގައި ޕޯސްޓުކުރި ފޮޓޯއަކާއި ގުޅިގެންނެވެ.
މި ފޮޓޯގައި އޭނާ ފެނިގެން ދިޔައީ ވަރަށް އާދައިގެ ގޮތަކަށެވެ. 42 އަހަރުގެ ބަތަލާ ނަގާފައިވާ ސެލްފީގައި އެނާގެ މޫނުގައި އެއްވެސް މޭކަޕުގެ ކުލައެއް ނެތްއިރު ބޮލުގައި ޖަހާފައިވާ ނުރަތައް ފޮރުވަންވެސް އެއްވެސް ވަރަކަށް މަސައްކަތް ކޮށްފައިއެއް ނުވެއެވެ.
އިންސްޓަގްރާމުގައި މި ފޮޓޯ ހިއްސާކުރަމުން ދެކުދިންގެ މަންމަ ބުނެފައިވަނީ ނުރަތައް ފޮރުވަން މަސައްކަތް ނުކުރާތީ އެކަމާ އޭނާގެ ބައްޕަވެސް ކަންބޮޑުވެގެން ސުވާލު ކުރާކަމަށެވެ.
View this post on Instagram
2014 ވަނަ އަހަރު ވިޔަފާރީވެރިއެއް ކަމުގައިވާ އަކްޝައި ވާރްދޭ އާއި ކައިވެނި ކުރުމަށްފަހު އޭނާ ވަނީ ބޮލީވުޑާއި މުޅިން ދުރުވެފައެވެ. އަދި ދަރިން ލިބުމުން ހަށިގަނޑަށް ބޮޑު ބަދަލެއް އައިސްފައިވާ ސަމީރާއަކީ ފިލްމް ކުޅުން އިރުގައި އެންމެ ފިޓް، ލޫޅާފަތި ހަށިގަނޑުގެ ވެރިޔެކެވެ.
ނަމަވެސް ދަރިން ލިބުމަށްފަހު އޭނާގެ ހަށިގަނޑަށް އައިސްފައިވާ ބަދަލުގެ ސަބަބުން ގިނަބައެއްގެ މަލާމާތް ވަނީ އޭނާ އަށް ލިބިފައެވެ. ހަމަ މިފަދައިން ނުރައާ ގުޅިގެން ވެސް މަލާމާތް ލިބިފައިއެބަހުއްޓެވެ.
އެހެން ކަމުން މި ވޭތުވެ ދިއަ 3 އަހަރެއްހާ ދުވަހުގެ ތެރޭގައި އޭނަ މަސައްކަތް ކުރަމުން ދަނީ ބޮޑީ ޕޮޒިޓިވިޓީއާ ގުޅޭގޮތުން މީހުން ހޭލުންތެރި ކުރުވުމުގެ މަސައްކަތުގައެވެ.
