މެންޗެސްޓަރ ޔުނައިޓެޑާއި ގުޅުނު ކްރިސްޓިއާނޯ ރޮނާލްޑޯ ބޭނުންކުރާނީ އޭނާ ކުރިންވެސް ބޭނުންކުރި 7 ނަންބަރު ޖާރޒީކަމަށް މެންޗެސްޓަރ ޔުނައިޓެޑުން ބުނެފިއެވެ.
އުމުރުން 36 އަހަރުގެ ފޯވާޑަށް ހަތް ނަންބަރު ޖާޒީ ލިބުނީ ޔުނައިޓެޑުގެ އުރުގުއޭގެ ފޯވާޑް އެޑިންސަން ކަވާނީ 21 ނަންބަރު ޖާޒީއަށް ކުޅެން އެއްބަސްވުމުންނެވެ.
ކްރިސްޓިއާނޯ ރޮނާލްޑޯ 2003 ވަނަ އަހަރު ޔުނައިޓެޑާއި ގުޅުމަށްފަހު އޭނާ 2008 ގައި ކުލަބު ދޫކޮށްލިއިރު ވެސް ބޭނުންކުރީ 7 ނަންބަރު ޖާރޒީ އެވެ. އޭގެފަހުން ރެއާލް މެޑްރިޑާއި ގުޅުމަށްފަހު ޖެހިގެން އައި އަހަރު ބޭނުންކުރީ 7 ނަންބަރެވެ. ރޮނާލްޑޯ އެ ޓީމާއި ގުޅުނުއިރު މި ނަންބަރު ބޭނުންކުރީ ރައުލް އެވެ.
މި ނަންބަރު ރޮނާލްޑޯއަށް ހާއްސަކުރުމަށް މެންޗެސްޓަރ ޔުނައިޓެޑުން ވަނީ ގިނަ މަސައްކަތްތަކެއް ކޮށްފައެވެ. ރިޕޯޓުތައް ބުނާގޮތުން ކަވާނީ ދެން ބޭނުންކުރާނީ އޭނާގެ ރަސްމީ ނަންބަރު ކަމަށްވާ 21 އެވެ.
ޔުނައިޓެޑުގެ ލެޖެންޑަރީ ނަންބަރު ކަމަށް ބުނާ ހަތް ނަންބަރު ޖާޒީގައި ރޮނާލްޑޯ ވަނީ މީގެ ކުރިން އެ ޓީމާއެކު ގިނަ ކާމިޔާބީތަކެއް ހޯދާފައެވެ. އަދި ޔުނައިޓެޑަކީ ރޮނާލްޑޯ އެންމެ ބޮޑަށް ވިދާލި އެއް ކުލަބުވެސް މެއެވެ.
ޕޯޗުގަލުގެ ސްޕޯޓިން ލދޫކޮށް 2003 ވަނަ އަހަރު ރޮނާލްޑޯ އެންމެ ފުރަތަމަ ޔުނައިޓެޑާ ގުޅުނީ އޭރުގެ ރިކޯޑު ފީއެއް ކަމަށްވާ 12.24 މިލިޔަން ޕައުންޑަށެވެ. އެކަމަކު 2008 ވަނަ އަހަރު ރޮނާލްޑޯ ވަނީ ޔުނައިޓެޑް ދޫކޮށް ރެއާލް މެޑްރިޑަށް ބަދަލުވެފައެވެ. އެހެންކަމުން ރޮނާލްޑޯ އަލުން ޔުނައިޓެޑުގެ ޖާޒީގައި ފެނިގެންދާނީ 12 އަހަރުގެ މެދުކެނޑުމަކަށްފަހުއެވެ.
ޔުނައިޓެޑުގައި ރޮނާލްޑޯ 2003 އިން 2009 އަށް ހޭދަކުރި މުއްދަތުގައި އޭނާ ވަނީ ތިން ފަހަރު ޗެމްޕިއަންސް ލީގު، ތިން އިނގިރޭސި ޕްރިމިއަރ ލީގު، އެފްއޭ ކަޕް އަދި ލީގު ކަޕް ހޯދާފައެވެ. މީގެއިތުރުން އޭނާ ވަނީ ޔުނައިޓެޑުގައި ހޭދަކުރި މުއްދަތުގައި 292 ގޯލު ޖަހާފައެވެ.
