އަނިލް ކަޕޫރުގެ ކޮއްކޮ ސަންޖޭ ކަޕޫރުގެ ދޮށީ ދަރިފުޅު ޝަނާޔާ ކަޕޫރުގެ ފުރަތަމަ ޓީވީ އެޑް ފިލްމް ދައްކާލައިފިއެވެ.
ކަރަން ޖޯހަރު ވަނީ އޭނާގެ އިންސްޓަގްރާމުގައި މި އިޝްތިހާރު ޝެއަރ ކޮށްފައެވެ.
އިޝްތިހާރުން ފެންނަ ގޮތުގައި ޝަނާޔާ މަސައްކަތް ކުރަމުންދަނީ ސްޕެގެޓީ ކެއުމަށެވެ. ނަމަވެސް މުޅި މީހާ މިކަމުގައި އުޅެނިކޮށް ހަރާބު ވެއެވެ. މިއީ އެއްގޮތަކަށް ވެސް ސްޕެގެޓީގެ އެޑެއް ނޫނެވެ. ހަގީގަތުގައި މިއީ ބޯ ފަންކުރަން ގެންގުޅޭ ސްޓްރައިޓްނަރގެ އިޝްތިހާރެކެވެ.
މި އެޑް ޕޯސްޓު ކުރަމުން ކަރަން ވަނީ ޝަނާޔާ އަށް ވަރަށް ބޮޑަށް ތައުރީފް ކޮށްފައެވެ. އަދި ޝަނާޔާ ގެ މަންމަ މަހީޕް ކަޕޫރާއި ބައްޕަ ސަންޖޭ ކަޕޫރަށް ވަނީ އެފަދަ ތަރިއެއް ދިނީތީ ޝުކުރު އަދާކޮށްފައެވެ. ކަރަން ބުނެފައިވަނީ އެއީ މުތެއް ކަމަށެވެ.
View this post on Instagram
ޝަނާޔާ ވަނީ ކަރަންގެ "ކަރަންސް ދަރްމާ ކޮނަސްޓޯން އެޖެންސީ" އާއެކު އެއްބަސްވުމެއް ހަދާފައެވެ. މި އެއްބަސް ވުމުގެ ދަށުން އޭނާ ބޮލީވުޑަށް ނެރޭނީ ކަރަންއެވެ.
ޝަނާޔާ މީގެ ކުރިން ވަނީ އެސިސްޓެންޓް ޑައިރެކްޓަރެއްގެ ގޮތުގައި ޖާންވީ ކަޕޫރުގެ "ގުންޖަން ސަކްސޭނާ" ގައި މަސައްކަތް ކޮށްފައެވެ. ޝަނާޔާ މި ވަގުތު ހުރީ ބޮލީވުޑަށް ނުކުތުމަށް ރަނގަޅު ސްކްރިޕްޓްއެއްގެ އިންތިޒާރުގައެވެ.
