ބާސެލޯނާއަށް ކުޅެމުން އައި ފޯވާޑް އެންޓޮއިން ގްރީޒްމަން އަނބުރާ އެތުލެޓިކޯ މެޑްރިޑަށް ބަދަލުވެއްޖެއެވެ.
ގްރީޒްމަން އެތުލެޓިކޯ ދޫކޮށް 2019 ގައި ބާސެލޯނާއަށް ބަދަލުވީ 135 މިލިއަން ޑޮލަރަށެވެ. ގްރީޒްމަން އަލުން އެތުލެޓިކޯއާ ގުޅޭނީ ލޯން ފީގެ ގޮތުގައި ހަތަރު މިލިއަން ޑޮލަރު ދޭ ގޮތަށެވެ. ނަމަވެސް ބާސާ އިން އޭނާ އަށް ކުރި ހޭދައާ އެއްވަރުގެ ކުޅުމެއް ނުދެއްކުނެވެ.
އަންނަ ސީޒަނުގައި ގްރީޒްމަނުގެ އެއްބަސްވުން ދާއިމީކުރުމުގެ ފުރުސަތު އެތުލެޓިކޯއަށް އޮތްއިރު، އެއްބަސްވުން ދާއިމީކުރަން އެ ޓީމުން 40 މިލިޔަން ޔޫރޯ ދައްކަންޖެހޭނެ ކަމަށް ރިޕޯޓުތައް ބުނެއެވެ.
ބާސެލޯނާގައި ހޭދަކުރި ތިން ސީޒަނުގައި އެ ޓީމަށް ކުޅެދިން 102 މެޗުން ގްރީޒްމަނަށް ކާމިޔާބުކުރެވިފައިވަނީ 35 ލަނޑެވެ. އަދި ބާސާއާއެކު ގްރީޒްމަނަށް ހޯދުނު ހަމައެކަނި ކާމިޔާބީއަކީ މިދިޔަ ސީޒަނުގެ ސްޕެނިޝް ކަޕެވެ.
ކޮމެންޓު ފޮނުވާ