ޕޯޗުގަލުގެ ތަރި ކްރިސްޓިއާނޯ ރޮނާލްޑޯ އޭނާ ކުޅެމުންދާ ކްލަބަށް އަލްވަދާއި ކިޔައި، މެންޗެސްޓަރ ސިޓީއާއިއެކު އެއްބަސްވުމަކަށް އައިސްފައިވާކަމަށް ރިޕޯޓުތައް ބުނެފިއެވެ.

ރޮނާލްޑޯ ވަނީ މިއަދު އޮތް ޕްރެކްޓިސް ސެޝަނަށް ފެށިފަހުން ދަނޑަށް ގޮސް ކުޅުންތެރިންނައި ސަލާންކޮށް ހަދާފައެވެ. ރޮނާލްޑޯ ޔުވެންޓަސް ދޫކޮށްލަން ނިންމާފައިވާކަމަށް އޭނާގެ އެޖެންޓުވަނީ ހާމަކޮށްފައެވެ. މީޑިއާ ރިޕޯޓުތައް ބުނާގޮތުން މެންޗެސްޓަރ ސިޓީއާއި ރޮނާލްޑޯ އާއި ދެމެދު ވަނީ އަގާއި ގުޅޭގޮތުން އެއްބަސްވުމަކަށް އައިސްފައެވެ.

ރޮނާލްޑޯގެ އޭޖެންޓް މެންޑޭޒް ވަނީ ސިޓީއާއެކު މިދިޔަ ދުވަސްތަކުގެ ތެރޭގައި ސިޓީއާއެކު ގިނަ މަޝްވަރާތަކެއް ކޮށްފައެވެ. ސިޓީން ރޮނާލްޑޯ ބޭނުންވީ އެ ޓީމުން ކުރިން ގެންނަން މަސައްކަތްކުރި ހެރީ ކޭން އަންނަ އެއްބަސްނުވުމުންނެވެ. ރިޕޯޓުތައް ބުނާގޮތުން ސިޓީން ދަނީ ރޮނާލްޑޯ ގެނައުމަށް އެ ކުލަބުގެ ބައެއް ކުޅުންތެރިން ވިއްކާލަން ތައްޔާރުވަމުންނެވެ.

? Allegri: "@AlvaroMorata is fine & I consider @federicochiesa a forward, but I'll decide the line-up tomorrow. Without @Cristiano there are many players who can score goals, they will be distributed across the team, with serenity and desire & the aim of winning."#JuveEmpoli

— JuventusFC (@juventusfcen) August 27, 2021

ރިޕޯޓުތައް ބުނާ ގޮތުން މި ޓްރާންސްފާގައި ރޮނާލްޑޯ ގަންނަން މެންޗެސްޓާ ސިޓީ އާއި ޕީއެސްޖީން އަންނަނީ މަސައްކަތްކުރަމުންނެވެ. އެކަމަކު ބުރާސްފަތި ދުވަހުގެރޭ ދިން އިންޓަވިއުއެއްގައި ޕީއެސްޖީގެ ރައީސް ނާސިރު އެލް-ޚެއްލާފީ ވަނީ ރޮނާލްޑޯ ހޯދަން އެ ޓީމުން ޔުވެންޓަސްއާއެކު މަޝްވަރާކޮށްފައި ނުވާނެ ކަމަށް ވިިދާޅުވެފައެވެ.

ޔުވެންޓަސްގައި ރޮނާލްޑޯގެ ކުރިމަގާ މެދު ސުވާލު އުފެދިފައިވާއިރު، މީގެ ކުރިން ރެއާލާއެކު ޔުއެފާ ޗެމްޕިއަންސް ލީގު ހަތަރު ފަހަރު ކާމިޔާބުކުރި ރޮނާލްޑޯއަށް އަދި މިހާތަނަށް ޔުވެންޓަސްއާއެކު ޗެމްޕިއަންސް ލީގު ކާމިޔާބުކުރެވިފައެއް ނުވެއެވެ. އެގޮތުން މިދިޔަ ސީޒަނުގެ ޗެމްޕިއަންސް ލީގުން ޔުވެންޓަސް ވަނީ ދެވަނަ ބުރުން ކަޓާފައެވެ.