ނިޒާމުގެ ބަހުސް ހުޅުވާލުން ރަނގަޅުކަމަށް ކުރީގެ ބަންޑާރަ ނާއިބު ދިޔާނާ ސަޢީދު ވިދާޅުވެއްޖެއެވެ.
ރާއްޖޭގެ ވެރިކަމުގެ ނިޒާމް ބަރުލަމާނީއަށް ބަދަލުކުރުމަށް ރައީސްއަށް ގޮވާލާ ގެންދަނީ ޕެޓިޝަނެއްގައި ސޮއިކުރަމުންނެވެ. އެކަމާއި ގުޅިގެން ދިޔާނާ ސަޢީދު ވިދާޅުވީ ރައްޔިތުންނަށް އެންމެ ފައިދާބޮޑު ގޮތަކީ ކޮބައިތޯ އަބަދުވެސް ބަލާ އެގޮތެއް ހޯދުމުގެ ފުރުޞަތު ރައްޔިތުންނަށް ލިބިދޭންޖެހޭކަމަށެވެ. 2007 ވަނަ އަހަރު ރާއްޖޭގަ ނެގުނު ނިޒާމީ ވޯޓުގެ ސައްޙަކަމާމެދު އެމްޑީޕީ އިން ދިޔައީ އަބަދުވެސް އިއުތިރާޒު ކުރަމުންކަމަށާއި، އެހެންކަމުން ނިޒާމުގެ ބަހުސް ހުޅުވާލުން ރަނގަޅުކަމަށްވެސް ދިޔާނާ ވިދާޅުވިއެވެ.
Raiyyithunnah enme faidhaabodu goiythakakee kobaitho abadhuves balaa egotheh hoadhumuge furusathu raiyythunnah libidheynjehey. 2007 ga Raajjeyga negunu nizaamee vote ge sahhakamaamedhu MDP in dhiyaee abadhuves iuthiraazu kuramun. Veemaa nizaamuge bahus hulhuvaalun rangalhu. pic.twitter.com/GMTA7fgkFJ
— Dhiyana ??? (@dhiyanasaid) August 22, 2021
ބަރުލަމާނީ ނިޒާމް ގެންނަން، ގާނޫނު އަސާސީ އިސްލާހު ކުރުމުގެ ކަންކަން އަވަސްކުރުމަށް ގޮވާލައި ރައީސުލްޖުމްހޫރިއްޔާއަށް ހުށައަޅާ ޕެޓިޝަނެއްގައި ސޮއިކުރުމުގެ މަސައްކަތް އެމްޑީޕީގެ އާންމު މެންބަރުންތަކެއް ފަށާފައިވަނީ އިއްޔެއެވެ.
ރާއްޖޭގައި މިހާރު މިއޮތް ވެރިކަމުގެ ނިޒާމު ބަދަލުކުރެވޭނީ އާންމު ރައްޔިތުންގެ ވޯޓަކުން ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްވަނީ ވިދާޅުވެފައެވެ. 2008 ވަނަ އަހަރު ދިވެހިން ބަލައިގަތް ފެހި ޤާނޫނު އަސާސީއަށް އަމަލުކުރަން ފެށުމުގެ ކުރިން ރާއްޖޭގައި އޮންނަން ބޭނުންވާ ވެރިކަމުގެ ނިޒާމު ކަނޑައެޅުމަށް ނެގި ރައްޔިތުންގެ ފެންނަ ނުފެންނަ ވޯޓުގައި 95،619 މީހުން ވޯޓުދީފައިވަނީ ރާއްޖޭގައި އޮންނަން ފެންނަނީ ރިޔާސީ ނިޒާމުކަމަށެވެ.
ބަރުލަމާނީ ނިޒާމު އޮންނަން ފެންނަކަމަށް ވޯޓުދީފައިވަނީ 58،504 މީހުންނެވެ. މި ވޯޓުގައި 199،841 މީހުން ވޯޓުލުމަށް ރަޖިސްޓްރީކުރިއިރު، ވެރިކަމުގެ ނިޒާމު ކަނޑައެޅުމަށް ވޯޓުދީފައިވަނީ 155،890 މީހުންނެވެ.
ކޮމެންޓު ފޮނުވާ