ބޮލީވުޑްގެ މަޝްހޫރު ދެ ތަރިން ކަމުގައިވާ ސައިފް އަލީ ޚާނާއި ކަރީނާ ކަޕޫރު އެމީހުންގެ ދެ ދަރިންނާއެކު ޗުއްޓީއަށް ރާއްޖެ އައިސްފިއެވެ.
މިއާއިލާ ރާއްޖެ އައީ މިމަހުގެ 16 ވަނަ ދުވަހު 51 އަހަރު ފުރޭ ސައިފްގެ އުފަންދުވަސް ފާހަގަކުރުމަށެވެ. ބޮލީވުޑްގެ ޚަބަރުތައް ގެނެސްދޭ މީޑިއާ ތަކުން ބުނާގޮތުގައި މި ޗުއްޓީ ރޭވީ ކަރީނާ ވެއެވެ. އަދި ބޭނުން ވަނީ ޕްރައިވެޓް އައިލެންޑެއްގައި ސައިފްގެ އުފަންދުވަސް ފާހަގަކުރަން ކަމަށް ކަރީނާ ބުނެއެވެ.
މި އާއިލާ މިއަދު ރާއްޖެއައުމަށް ފުރަން އެއަރޕޯޓަށް ދިޔަ ތަންފެންނަ ފޮޓޯތަކެއް ވަނީ ސޯޝަލް މީޑިއާގައި ދައުރުވެފައެވެ. އެފޮޓޯތަކުގައި ދެމަފިރިންނާއި އެކު ދެދަރިން ކަމަށްވާ ތައިމޫރާއި ޖެހް ފެނިގެންދެއެވެ.
މިއަދު މެންދުރުފަހު ޕްރައިވެޓް ޖެޓެއްގައި ރާއްޖެއައި މި އާއިލާ ވެލާނާ އިންޓަނޭޝަނަލް އެއާޕޯޓުގެ ކުޑައިރުކޮޅަކު މަޑުކޮށްލުމަށްފަހު ލޯންޗެއްގައި ފުރައިގެން ދިޔައީ ވަން އެންޑް އޮންލީ ރީތިރަށް ރިސޯޓަށެވެ.
#KareenaKapoorKhan and #SaifAliKhan head off for a mini-vacation to an exotic island locale with their kids, Taimur and Jeh. The family will be bringing in Saif’s 51st birthday there. ??? pic.twitter.com/GTbwxH3861
— Filmfare (@filmfare) August 14, 2021
މިއީ ހަގު ދަރިފުޅު ލިބުނުފަހުން މި އާއިލާއިން ޗުއްޓީއަށް ދާ ފުރަތަމަ ފަހަރެވެ. އަދި ހަމަ އެހެންމެ މީ ތުއްތު ތުއްތު ޖެހްގެ ވެސް ފުތަރަމަ ވެކޭޝަންއެވެ.
މަސައްކަތުގެ ދާއިރާއިން ސައިފް ދެން ފެނިެގން ދާނީ "އަދިޕްރުޝް" އިންނެވެ. މި ފިލްމުން ސައިފް އާއި އެކު ޕްރަބާސް އާއި ކްރިތީ ސެނޮން ފެނިގެން ދާނެއެވެ. މި ފިލްމް ނެރުމަށް ތާވަލް ކޮށްފައިވަނީ 2022 ގެ އޮގަސްޓުގައެވެ.
ކަރިނާގެ ކުރިއަށް އޮތް ފިލްމަކީ އާމިރު ހާންއާއިއެކު ފެނިގެން ދާ "ލާލް ސިންގ ޗައްޑާ" އެވެ.
