އިންޑިއާގައި ކުރިއަށްގެންދާ ވެބްސީރީޒްގެ އެންމެ ބޮޑު ޕްރޮޖެކްޓްގެ ގޮތުގައި މަޝްހުރު ވެފައިވާ ނިކިލް އަދުވާނީގެ "ދި އެމްޕަޔާ" ގެ ޓްރެއިލާ ދައްކާލައިފިއެވެ.
މިއީ ބޮޑު މަޝްހުރު ކަމެއް ހޯދި "ގޭމް އޮފް ތްރޯންސް" އާ ދާދި އެއްގޮތަކަށް ގެނެސްދޭނެ ޑްރާމާއެއް ކަމަށް ރިޕޯޓްތައް ބުނެއެވެ.
ޑިޒްނީ ޕްލަސް ހޮޓްސްޓާ އިން ގެނެސްދޭ މި ޑްރާމާއަކީ އިންޑިއާގައި ކުރިން އޮތް މުގަލް ރަސްކަމުގެ ދުވަސްވަރުގެ ހާދިސާތަކެއްގެ މައްޗަށް ބިނާކޮށް ގެނެސްދޭ، ހަނގުރާމައިގެ ބޮޑެތި ހާދިސާތަކެއް ވެސް ގިނަ އަދަދަކަށް ހިމެނޭ ޑްރާމާއެކެވެ.
ވެބް ސީރީޒްގެ ލީޑް ތަރިންގެ ގޮތުގައި ޝަބާނާ އާޒްމީ، ދްރަޝްތީ ދާމީ، ކުނާލް ކަޕޫރު. ޑިނޯ މޯރިއާ، އަދިއްތިޔާ ސީލް ފަދަ ތަރިން ފެނިގެން ދާނެއެވެ.
މި މަހުގެ 27 ގައި ޕްރިމިއާ ކުރުމަށް ނިންމައިފައިވާ މި ޑްރާމާ ހަދާފައި ވަނީ އިނގިރޭސި ލިޔުންތެރިޔާ އެލެކްސް ރަދަޕޯޑް، ހަ ވޮލިއުމަކަށް ގެނެސްދިން ވާހަކަ "އެމްޕަޔާ އޮފް މޮގުލް" އަށް ބިނާކޮށެވެ. ނިިކިލް އަދްވާނީ ޕްރޮޑިއުސްކުރާ މި ވެބްސީރީޒްގެ ސްކްރީންޕްލޭ ލިޔުނީ ބަވާނީ އައްޔަރު އެވެ.
ނިިކިލް އެންމެ ފަހުން ޕްރޮޑިއުސް ކުރި ފިލްމަކީ މިއަހަރު ނެޓްފްލިކްސް އިން ގެނެސްދިން "ސަރްދާރް ކާ ގްރޭންޑް ސަން" އެވެ. މީގެ އިތުރުން ނިކިލް ލިއެ ޑައިރެކްޓްކޮށް އެންމެފަހުން ގެނެސްދިން ފިލްމަކީ ޖޯން އަބްރަހަމްގެ 2019ގެ ފިލްމު "ބަތަލާ ހައުސް" އެވެ.
