ބޮލީވުޑްގެ މަގުބޫލު އެކްޓަރު ކާތިކް އާރިޔާން ގެ "ދަމާކާ" އާއި ބެހޭގޮތުން ތަފާތު ހަބަރުތަށް އަންނަތާ ދުވަސްކޮޅެއް ވެއްޖެއެވެ. ޑައިރެކްޓަރު ރާމް މަދުވާނީގެ "ދަމާކާ" ޕްރެމިއާ ކުރުމަށް ހަމަޖެހިފައިވަނީ ކުރިއަށް އޮތް އޮކްޓޫބަރު މަހުގައިމަކަށް ރިޕޯޓަށް ބުނެފިއެވެ.
މި ފިލްމު ދައްކަން ފަށަން ހަމަޖެހިފައިވަނީ ނެޓްފްލިކްސް އިންނެވެ. މިހާރު ނެޓްފްލިކްސްގެ އޯޓީޓީ ޕްލެޓްފޯމް އިން ވަނީ ކުރިއަށް ނިކުންނަށް ހުރި ފިލްމް ތަކުގެ ހެޑްލައިން ރިލީޒްކޮށްފައެވެ. ވަކި ދުވަހެއް ބުނެފައި ނެތަސް މި އަަހަރުގެ އޮކްޓޫބަރުމަހުގައި "ދަމާކާ" ރިލީޒް ވާނެ ކަމަށް "ބޮލީވުޑް ހަންގާމާ"އިން ވަނީ ބުނެފައެވެ.
ކޯވިޑްގެ ސަބަބުން ސިނަމާތައް ބަންދުކޮށްފައި ވުމާއިއެކު ގިނަ ފިލްމުތަށް މިހާރު ރިލީޒް ކުރަނީ އޮންލައިން ޕްލެޓްފޯމްގައެވެ. އިންޑިއާގައި ކޯވިޑްގެ 2 ވަނަ ރާޅަށް ސިނަމާތަށް އަދިވެސް ނުހުޅުވައެވެ. އެހެން ކަމުން ސިނަމާތައް ނޫން ގޮތްތައް މިހާރު ގިނަ ޕްރޮޑިއުސަރުން ގެންދަނީ އިހްތިޔާރު ކުރަމުންނެވެ.
އޮކްޓޫބަރު މަހަށް "ދަމާކާ" ޕްރެމިއާ ކުރުން ހަމަޖެއްސި މައިގަނޑު ސަބަބަކީ އެއީ ފެސްޓިވް ސީޒަން އަކަށް ވުމެއެވެ. އެގޮތުން އިންޑިއާގައި ފާހަގަ ކުރާ ނަވްރާތްރީ އާއި ދަޝޭރާގެ ފެސްޓިވަލް އަންނަނީ އޮކްޓޫބަރު މަހުގައެވެ. އާންމު ގޮތެއްގައި ފިލްމުތަށް ރިލީޒްކުރުމަށް ތާވާލް ކުރަނީ މިކަހަލަ ހާއްސަ ދުވަސްތަކާއި ދިމާވާ ގޮތަށެވެ.
"ދަމާކާ" ގައި ކާތިކު ފެނިގެން ދާނީ ނިއުސް އެންކަރެއްގެ ގޮތުގައެވެ. މިއީ 2013 ގެ ސައުތު ކޮރެއާ ފިލްމް "ދަ ޓެރާ ލައިވް"ގެ ރިމޭކެކެވެ.
