ތަމަޅަ ހިޓް ފިލްމް "ތަޑަމް"ގެ ހިންދީ ރިމޭކަށް އަދިއްތިޔާ ރޯއީ ކަޕޫރު ތައްޔާރުވާން ފަށައިފިއެވެ.
ސައުތު އިންޑިއާގެ ހިޓް ފިލްމުތަކުގެ ރިމޭކް ބޮލީވުޑްގައި ހެދުމަކީ މިހާރު އާންމު ކަމެކެވެ.
"ތަންޑަމް" އަކީ ހަޤީޤީ ހާދިސާއެއްގެ މައްޗަށް ބިނާކޮށް ހަދާފައިވާ ފިލްމެކެވެ. މި ފިލްމުގައި ފުރަތަމަ ފަހަރަށް އަދިއްތިޔާ ގެ ޑަބަލް ރޯލު ފެނިގެންދާއިރު، މި ފިލްމަށް ދޭނެ ނަމެއް އަދި މިހާތަނަށް އިއުލާން ކޮށްފައެއް ނުވެއެވެ. ޚަބަރުތަށް ބުނާގޮތުގައި މި ފިލްމް ގެ ޝޫޓީން ކުރިއަށް އޮތް ސެޕްޓެމްބަރު މަހަށް ވަނީ ތާވަލް ކޮށްފައެވެ.
ވަރްދަން ކެޓްކަރް ޑައިރެކްޓަރުގެ ގޮނިޑީގައި ފުތަރަމަ ފަހަރަށް އިށީންނަ މި ފިލްމުގެ ޕްރޮޑިއުސަރަކީ ބޫޝަން ކުމާރާއި މުރާދު ކޭތާނީއެވެ.
މިފަދަ ފިލްމެއް ލިބުން އަދިއްތިޔާ ހުރީ ވަރަށް އުފަލުންނެވެ. އަދި މިއީ ޗެލެންޖިންގ ކަމެއް ކަމަށް ވުމުން ފިލްމަށް ވަރަށް ބޮޑަށް ތައްޔާރުވަމުން ދާކަމަށްވެސް އަދިއްތިޔާ ވަނީ ބުނެފައެވެ.
"ތަޑަމް"ގެ އަސްލު ފިލްމްގެ ލީޑްރޯލުން ފެނިގެން ދިއައި އަރުން ވިޖޭއެވެ. މީގެ އިތުރުން ތަންޔާ ހޯޕް، ސްމިރްތީ ވެންކަޓް، ވިދޭ ޕްރަދީޕް ވެސް މުހިންމު ރޯލުތަކުން ފެނިގެން ދިޔައެވެ. 2019 ވަނަ އަހަރު ރިލީޒް ކުރި މި ފިލްމަކީ މާގިޒް ތިރްމެއިނީ ޑައިރެކްޓް ކޮށް އިންދަރު ކުމާރު ޕްރޮޑިއުސް ކުރި ފިލްމެކެވެ.
ކޮމެންޓު ފޮނުވާ