"ޔޭ ޖަވާނީ ހެ ދިވާނީ" އިން ފެނިގެން ދިއަ ބޮލީވުޑްގެ އެކްޓްރެސް އެވެލީން ޝަރުމާ ބަލިވެއިންކަން އިއުލާން ކޮށްފައިވަނީ މީގެ 2 ހަފްތާ އެއްހާ ދުވަސް ކުރިންނެވެ.
ބަލިވެ އިންކަން އިއުލާން ކުރުމުގެ މަހެއްހާ ދުވަސް ކުރިން އެވެލީން ކައިވެނި ކުރި ކަމުގެ ޚަބަރާއެކު ވެޑިންގެ ޑްރެސްގައި އޭނާ ފެނިގެން ދިއަ ފޮޓޯތަކެއް ވަނީ ވައިރަލް ވެފައެވެ.
ކައިވެނީގެ ކުރިން ބަލިވެ އިން އެވެލީން ވިހާނެ ތާރީހެއް އަދި އިއުލާން ނުކުރި ނަމަވެސް އޭނާ މިހާރު އިނީ ވިހަން ވަރަށް ކައިރި ވެފައި ކަމަށް ރިޕޯޓްތަށް ބުނެއެވެ.
ޖުލައި މަހު ކަވެނި ކުރުމަށްފަހު މި ދެމަފިރިން ވަނީ ހަނީމޫނަކަށް ގޮސްފަ އެވެ. ނަމަވެސް އެމީހުން ހަނީމޫން ހޭދަކުރީ ކޮންތާކު ކަމެއް ހާމައެއް ނުކުރެއެވެ. ހަމަ އެކަނި ހިއްސާ ކުރީ ފޮޓޯއެކެވެ.
އެވެލީން ކައިވެނި ކޮށްފައިވަނީ އޮސްޓްރޭލިއާގެ ދަތުގެ ސާޖަންއެއް ކަމަށްވާ ޑރ. ތުޝާން ބިންދީއާ އެވެ.
އެވެލީންގެ ބޮލީވުޑް ޑެބިއުއަކީ " ފްރޮމް ސިޑްނީ ވިތް ލަވް" އެވެ. ޖަރުމަނަށް ނިސްބަތްވާ މޮޑެލް އަދި އެކްޓަރ އެވެލީން ބޮލީވުޑްގައި ހޭދަކުރި 9 އަހަރުގެ ތެރޭގައި އޭނާ ފެނިގެންގޮސްފައިވާ ފިލްމުތަކުގެ ތެރޭގައި “ޔޭޖަވާނީ ހޭ ދިވާނީ”، “ހިންދީ މީޑިއަމް”، އަދި ޓެލެގޫ ސުޕަރހިޓް “ސާހޯ” ފަދަ ފިލްމުތައް ފާހަގަކޮށްލެވެއެވެ.
ކޮމެންޓު ފޮނުވާ