މިހާތަނަށް އެންމެ ކާމިޔާބު ޕާޓީއަކީ އަދާލަތު ޕާޓީކަމަށާއި، އެޕާޓިން ކޮންމެ ސަރުކާރެއްގައިވެސް އެޕާޓިން ބޭނުންވާ ސިޔާސަތު ހިންގާކަމަށް އެމްޑީޕީ އުފެއްދުމުގައި އިސްކޮށް އުޅުއްވި އަދި އެޕާޓިގެ ފުރަތަމަ ރައީސް އިބްރާހީމް އިސްމާޢީލް (އިބްރާ) ވިދާޅުވެއްޖެއެވެ.
އިބުރާ މިހެން ވިދާޅުވީ އުނގޫފާރު ދާއިރާގެ މެންބަރު މުޙައްމަދު ވަޙީދު (ވައްޑެ) ކުރެއްވި ޓްވީޓަކަށް ދެއްވި ޖަވާބެއްގައެވެ. އިބުރާ ވިދާޅުވީ ކަންހިނގާ މަގަށްބަލާއިރު، މިހާތަނަށް އެންމެ ކާމިޔާބު ޕާޓީއަކީ އަދާލަތު ޕާޓީކަމަށެވެ. މަޖިލީހުން އެންމެ ފަހަރަކު 1 ގޮނޑި ހޯދުންފިޔަވާ ޤައުމީ އިންތިޚާބަކުން ކާމިޔާބެއް ލިބިފައި ނުވިނަމަވެސް، ކޮންމެ ސަރުކާރެއް އޮތަސް އެޕާޓިން ބޭނުން ސިޔާސަތު ހިންގކަމަށް އިބުރާ ވިދާޅުވިއެވެ.
Kan hin'gaa magah balaairu, mihaithanah enme kaamiyaabu party akee Adhaalath Party.
Majlihun enme faharaku 1 gon'di hoadhun fiyavai qaumee inthikhaabakun kaamiyaabeh nulibey. Ekamu konme sarukaareh othas emeehun beynun siyaasathu hingaa.
— Ibra – Unapologetically for Justice (@ibramandhu) July 22, 2021
އިބުރާ މިހެން ވިދާޅުވެފައިވާއިރު، ސަރުކާރު ކޯލިޝަންގައި ހިމެނޭ އަދާލަތު ޕާޓީއާއިމެދު ސަރުކާރު ހިންގާ މައި ޕާޓީ އެމްޑީޕީގެ ރައީސް އަދި މަޖިލީހުގެ ރައީސް މުޙައްމަދު ނަޝީދާއި، އެޕާޓީގެ ބައެއް މެންބަރުން ދަނީ ފާޑުވިދާޅުވެ ނުރުހުން ފާޅުކުރައްވަމުންނެވެ.
ރައީށް ނަޝީދު ދާދި ފަހުން ވަނީ، މިހާރު ވެރިކަން ކުރަމުންދާ ކޯލިޝަން ރުހޭހާ ގޮތަކަށް ކަންކަން ކުރާނަމަ އެމްޑީޕީއަށް ދެން ވާނީ ގެއްލުން ކަމަށް ވިދާޅުވެފައެވެ. އެމްޑީޕީގެ ގިނަ މެމްބަރުންނާއި، އާންމުން ހިމެނޭ ވަޓްސް އަޕް ގްރޭޕަކަށް މިއަދު ނަޝީދު ލިޔުއްވި މެސެޖުގައި ވިދާޅުވީ ސަރުކާރުން އެމްޑީޕީގެ ސިޔާސަތު ދޫކޮށް ވެރިކަން ކުރާ ކޯލިޝަންގެ ސިޔާސަތުގައި ހިފައިގެން ކުރިއަށްދާނަމަ، އެމްޑީޕީއަށް ލިބޭނެ އެއްވެސް ފައިދާއެއް ނެތްކަމަށެވެ. މިކަމުގެ ގެއްލުން ކުރިއަށް އޮތް އިންތިޚާބުތަކުގައިވެސް އެމްޑީޕީއަށް ކުރާނެކަމަށް ރައީސް ނަޝީދު ވަނީ ވިދާޅުވެފައެވެ.
