2016 ވަނަ އަހަރު ޑައިރެކްޓަރ އަދިއްތިޔާ ދަރް ހެދުމަށް އިއުލާން ކުރި ފިލްމް، "ރާތު ބާކީ" އާ ކާސްޓަކާއި އެކުގައި އަލުން އިއުލާންކޮށްފި އެވެ.

ކެޓްރީނާ ކައިފް އާއި ފަވާދް ޚާނާއެކު ހެދުމަށް މަސައްކަތް ކުރަމުންދިއަ މި ފިލްމުގެ މަސައްްކަތް އެކިއެކި ސަބަބުތަކާއި ހުރެ މި ވީހާތަނަށް އެއްވެސް ވަރަކަށް ކުރިއަށް ގެންދެވިފައެއް ނުވެއެވެ. މި ދެތަރިންނާއެކު ފިލްމުގެ މަސައްކަތް ކުރިއަށް ނުގެންދެވުނު އެއް ސަބަބަކީ ފަވާދް ޚާނަކީ ޕާކިސްތާނަށް ނިސްބަތްވާ ތަރިއަކަށް ވެފައި އެދުވަސްވަރު އިންޑިއާ އާއި ޕާކިސްތާނުގެ މަޝްރަހު ހޫނުވެފައި އޮތުމުގެ ސަބަބުން އެއް ގައުމުގެ ފަންނާނުންނަށް އަނެއްގައުމުގައި މަސައްކަތްކުރުމަށް ކުރިމަތިވި ދަތިތަކެވެ.

އާ ކާސްޓަކާއި އެކު ފިލްމް ހެދުމަށް އަމާޒުހިފާފައި ވާއިރު މިފަހަރުގެ ކާސްޓުން ފެނިގެން ދާނީ ޔާމީ ގޮއުތަމް އާއި ޕްރަތީކް ގާންދީ ކަމަށް ޚަބަރުތަށް ބުނެއެވެ. މިދިއަ މަހުގެ ތެރޭގައި ޔާމީ އާއި އަދިއްތިޔާ ދަރް ވަނީ ކައިވެނި ކޮށްފަ އެވެ. އަންހެނުން ލީޑްރޯލަށް ލައިގެން މި ފިލްމް ހަދާއިރު މި ފިލްމްގެ ޑައިރެކްޓަރުގެ ގޮޑިން ފެނިގެން ދާނީ އަދިއްތިޔާއެއް ނޫނެވެ.

ފިލްމަށް އަލަށް ނެގި ފިރިހެން ތަރި ޕްރަތީކަކީ "ސްކޭމް 1992″ އިން އާންމުންގެ މެދުގައި މަގުބޫލުކަށް ހޯދި ތަރިއެކެވެ.

މި ފިލްމް ޕްރޮޑިއުސް ކުރަނީ ރޯނީ ސުކުރުވާލާއި އަދިއްތިޔާ ގުޅިގެންނެވެ. ރިޕޯޓްތަށް ބުނާގޮތުގައި މި ފިލްމަކީ އަދިއްތިޔާ ވަރަށް ބޮޑަށް ހަދަން ބޭނުން ވާ ފިލްމެކެވެ. މި ފިލްމް ގެ ވާހަކަ ލިޔެފައިވަނީވެސް އޭނާއެވެ.

އަދިއްތިޔާ މިހާރު ކުރަމުންދަނީ، ވިކީ ކޯޝަލް އާއި ސާރާ އަލީ ޚާނާއެކު "ދަ އިމްމޯޓަލް އަޝްވަތަމް" ގެ މަސައްކަތްތަކެވެ.