ޓޮކިޔޯ އޮލިމްޕިކްސްގައި ނުކުޅެން މަޝްހޫރު ޓެނިސް ކުޅުންތެރިޔާ ރޮޖާ ފެޑެރާ ނިންމައިފިއެވެ.
މިދިޔަ އަހަރު ކަކުލުގެ ދެ އޮޕަރޭޝަނެއް ކޮށްފައިވާ ފެޑެރާ ފަހަކަށް އައިސް ގާތްގާތުގައި ގިނަ މުބާރާތްތަކެއް ނުކުޅޭ އެންމެ ބޮޑު ސަބަބަކީ އޭނާ ކަކުލަށް ތަދުވާތީ އެކަށީގެންވާ ވަރަކަށް ރިކަވަރީ އަށް ވަގުތު ދޭން ބޭނުންވާތީއެވެ. ފެޑެރާ މިހާރު އޮތީ ދުނިޔޭގެ ރޭންކިންގެ ނުވަ ވަނައިގަ އެވެ. ފެޑެރާ ވަނީ ދާދި ފަހުން ނިމުނު ވިމްބަލްޑަން ޓެނިސް މުބާރާތުގައި ވާދަކޮށްފައެވެ. ފެޑެރާ އެ މުބާރާތުން ކެޓީ ކުއާޓާ ފައިނަލުގައި ޕޮލެންޑްގެ ހިއުބާޓް ހުކާޒް އަތުން ބަލިވެގެންނެވެ.
ފެޑެރާގެ އިތުރުން އަނިޔާގެ ސަބަބުން ނަޑާލް ވެސް ކުރިއަށް އޮތް އޮލިމްޕިކްސްގައި ނުފެންނާނެ އެވެ. އަނިޔާގެ ސަބަބުން ވިމްބަލްޑަންގައި ވެސް ނަޑާލް ނުކުޅެއެވެ. ފެޑެރާ ވަނީ 2008 ވަނަ އަހަރުގެ ބެއިޖިން އޮލިމްޕިކްސް އިން ރަން މެޑަލާއި 2012 ވަނަ އަހަރުގެ ލަންޑަން އޮލިމްޕިކްސް އިން ރިހި މެޑަލް ހާސިލްކޮށްފައެވެ.
ކޮމެންޓު ފޮނުވާ