ކުރިއަށް އޮތް އީދު ބަންދު ދުވަސްތަކާއި، މިނިވަން ދުވަހާއި ގުޅިގެން އަންނަ ސަރުކާރު ބަންދު ދުވަސްތަކުގައި ކުށުގެ ރެކޯޑު ސާފުކޮށް ދިނުން މެދުކެނޑޭނެ ކަމުގައި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން "ޑީޖޭއޭ" އިން ބުނެފިއެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ކުރިއަށް އޮތް ސަރުކާރު ބަންދު ދުވަސްތަކުގައި އެއިދާރާގެ މަސައްކަތް ރާވާލާފައިވާ ގޮތާއި ގުޅޭގޮތުން ނެރުނު ބަޔަނެއްގައި ބުނެފައިވަނީ މާދަމައަށްފަހު އެއިދާރާއަށް ކުށުގެ ރެކޯޑު ސާފުކުރުމަށް ހުށަހަޅާ ފޯމް ތަކުގެ ރެކޯޑު ސާފުކޮށްދެވޭނީ ބަންދު ދުވަސްތަކަށްފަހު ސަރުކާރު ހުޅުވުމުންކަމަށެވެ.
އަޟްޙާ ޢީދާއި މިނިވަން ދުވަހާއި ގުޅިގެން އަންނަ ސަރުކާރު ބަންދު ދުވަސްތަކުގައި ކުށުގެ ރެކޯޑު ސާފުކުރުމާ ޝަރުޢީދާއިރާއިން ކުށާއި ދަރަނީގެ ރެކޯޑު ސާފުކުރުމަށް މިހާރު ހަމަޖެހިފައިވާ ގޮތުން ރެކޯޑު ސާފުކުރުމަށް ހުށަހަޅާތާ ރަސްމީ ބަންދުނޫން 3 ދުވަހުގެ ތެރޭގައި ރެކޯޑު ސާފުކޮށްދެމުން ދެއެވެ.
އަޟުޙާ ޢީދާއި މިނިވަން ދުވަހާއި ގުޅިގެން 18 ޖުލައި އިން 27 ޖުލައި 2021 އަށް ސަރުކާރު ބަންދު ދުވަސްތަކެއްގެ ގޮތުގައި ހަމަޖައްސަވާފައިވާތީ، އެއިދާރާއިން ވަނީ ޗުއްޓީ ތެރޭގައި ކުށުގެ ރެކޯޑު ސާފުކޮށް ދިނުން މެދުކެނޑޭނެކަން ހާމަކޮށްފައެވެ.
