އެކްޓާ އިމްރާން ހާޝިމީ އޭނާގެ "ސިކްސްޕެކް" ހަށިގަނޑު ދައްކާލައިފި އެވެ.
މީ އެތަށް ދުވަހަކު ޖިމަށް ގޮސްގެން އޭނާ ހަށިގަނޑަށް ގެނެސްފައިވާ ބަދަލެކެވެ. މި ބަދަލު އޭނާ ގެނެސްފައި މިވަނީ އޭނާގެ ކުރިއަށް އޮތް ފިލްމް "ޓައިގާ-3″ އަށެވެ. މި ފިލްމުގައި އިމްރާން ހާޝީމީ އާއި އެކު ސަލްމާން ޚާން އަދި ކެޓްރީނާ ކައިފް ވެސް ފެނިގެން ދާނެއެވެ.
42 އަހަރުގެ އިމްރާން އިންސްޓަގްރާމްގައި ވަނީ އޭނާގެ ސިކްސްޕެކް ފެންނާނެހެން ފޮޓޯއެއް ހިއްސާކޮށްފަ އެވެ. ޝާޓްލެސް މި ފޮޓޯގައި އިމްރާން ހަށިގަނޑަށް ގެނެސްފައިވާ ބަދަލް ވަރަށް ރީތިކޮށް ފެންނަށް ހުރެއެވެ.
ޓައިގާ ސިލްސިލާގެ 3 ވަނަ ފިލްމުގައި އިމްރާން ފެނިގެން ދާނީ ނުބައިބައި މީހެއްގެ ރޯލުންނެވެ.
ރިޕޯޓްތަށް ބުނާގޮތުގައި ތިން މަހުގެ މެދުކެނޑުމަކަށްފަހު މި ފިލްމުގެ ޝޫޓިން މި މަހުގެ 23އަށް ވަނީ ޝެޑިއުލް ކޮށްފަ އެވެ. އަދި އިންޑިއާއިން ބޭރުގައި ޝޫޓް ކުރުމަށް ހަމަޖެހިފައިވާ ބައިތަށް އޯގަސްޓަށް ތާވަލް ކޮށްފައިވާ ކަމަށް ފިލްމުގެ ޕްރޮޑަކްޝަން ޓީމުން ބުނެއެވެ.
ކޮމެންޓު ފޮނުވާ