ބޮލީވުޑްގައި "ޓްރެޖިޑީ ކިންގް"ގެ ގޮތުގައި މަޝްހޫރުވި ލެޖެންޑަރީ އެކްޓަރ ދިލިޕް ކުމާރު މަރުވެއްޖެ އެވެ.
ފާއިތުވި މަހެއްހާ ދުވަހުގެ ތެރޭ ތިން ފަހަރެއްގެ މަތިން ހޮސްޕިޓަލްގައި އެޑްމިޓްކޮށް ފަރުވާދީފައިވާ، އުމުރުން 98 އަހަރުގައި ދިލިޕް މަރުވެފައިވަނީ މިއަދު ހެދުނުގެ ވަގުތެއްގައި މުމްބާއީ ހިންދޫޖާ ހޮސްޕިޓަލްގައި ނޭވާލާން ދަތިވާތި ފަރުވާދެމުން ދަނިކޮށެވެ.
ދިލިޕް މަރުވި އިރު އޭނާގެ އަންހެނުން އަދި ކުރީގެ މަޝްހޫރު ބަތަލާ ސާއިރާ ބާނޫ، 76، ކައިރީގައި ހުރި ކަމަށްވެސް އާއިލާއިން ވަނީ ބުނެފައެވެ. މި ދެމަފިރިންނަށް ދަރިޔަކު ލިބިފައެއް ނުވެ އެވެ.
With a heavy heart and profound grief, I announce the passing away of our beloved Dilip Saab, few minutes ago.
We are from God and to Him we return. – Faisal Farooqui
— Dilip Kumar (@TheDilipKumar) July 7, 2021
ދިލިޕް މަރުވިކަން އާއިލާ ގެފަރާތުން ވަނީ އޭނާގެ ރަސްމީ ޓްވިޓާ އެކައުންޓުން ކުރި ޓްވީޓެއްގައި ހާމަކޮށްފަ އެވެ. އެއާއެކު ބޮލީވުޑްގެ މަޝްހޫރު އެތަކެއް ގިނަ ތަރިންނާއި އިންޑިއާގެ ބޮޑުވަޒީރު ނަރެންދުރަ މޯދީ ވެސް ހިތާމަފާޅުކޮށް އާއިލާ އަށް ތައުޒިޔާ ކިޔާފައިވެ އެވެ. މީގެ އިތުރުން ގިނަ އަދަދެއްގެ އާންމުންނާއި މުޅި ހިންދީ ފިލްމު އިންޑަސްޓްރީ ގެންދަނީ ދިލިޕްގެ މަރާ ގުޅިގެން ސޯޝަލް މީޑިއާގައި ހިތާމަ ފާޅުކުރަމުންނެވެ.
T 3958 – An institution has gone .. whenever the history of Indian Cinema will be written , it shall always be 'before Dilip Kumar, and after Dilip Kumar' ..
My duas for peace of his soul and the strength to the family to bear this loss .. ???
Deeply saddened .. ?— Amitabh Bachchan (@SrBachchan) July 7, 2021
މުމްބާއީ ހިމެނޭ މަހާރާޝްޓްރަ ސްޓޭޓްގެ ޗީފް މިނިސްޓަރ ވަނީ ސްޓޭޓް ލެވެގެ އެންމެ މަތީ އިއްޒަތުގައި ދިލިޕް ކުމާރުގެ ޖަނާޒައިގެ ކަންކަން ކުރިއަށް ގެންދިއުމުގެ ހުއްދަ ދީފަ އެވެ. އެހެން ކަމުން މިއަދު ހަވީރު ވަނީ ދިލިޕަށް އެންމެ ފަހުގެ އިހްތިރާމް އަދާކުރުމަށް ފަހު ޖަނާޒާ ބާއްވާފަ އެވެ.
State funeral protocols – #DilipKumar saab being draped with the beautiful tricolor. pic.twitter.com/fmYMdJLOBD
— faisal farooqui (@FAISALmouthshut) July 7, 2021
ބޮލީވުޑްގެ ރަންޒަމާނުގެ ގޮތުގައި ގުނާލެވޭ 1940ގެ އަހަރުތަކުން ފެށިގެން 1960ގެ އަހަރު ތަކާ ހަމައަށް ހިންދީ ސިނަމާތަކުގައި ރަސްކަންކުރި ދޭވް އާނަންދާއި ރާޖް ކަޕޫރާއި ދިލިޕްގެ ތެރެއިން އެންމެ ފަހުން ވަކިވެގެން ގޮސްފައި މިވަނީ ދިލިޕެވެ. އެގޮތުން ރާޖް ކަޕޫރު 1988 ވަނަ އަހަރު އަދި ދޭވް އާނަންދު 2011 ވަނަ އަހަރު ވަނީ ދުނިޔެ ދޫކޮށްފަ އެވެ.
ދިލިޕްގެ 50 އަހަރުގެ ކެރިއަރ ގައި 60 އަށްވުރެ ގިނަ ފިލްމުގައި މަސައްކަތްކޮށްފައިވެއެވެ.
އިންޑިއާ ދެބައިވެ ޕާކިސްތާން އުފެދުމުގެ ކުރިން، 11 ޑިސެމްބަރު 1922 ޕާކިސްތާންގެ ޕޭޝްވަރު ސިޓީ އަށް އުފަންވި ދިލިޕް ކުމާރުގެ އަސްލު ނަމަކީ މުހައްމަދު ޔޫސުފް ޚާން އެވެ.
