މިއަހަރުގެ ޖަނަވަރީ މަހުގެ ތެރޭގައި ސިއްރުން މިޔަރު އުރަހަތަކެއް ދިވެހިރާއްޖެއިން ބޭރުކުރަން އުޅުނު މައްސަލައިގައި ދެމީހެއްގެ މައްޗަށް ދައުވާކުރުމަށް ޕްރޮސެކިއޓަރ ޖެނެރަލްގެ އޮފީހުން ކްރިމިނަލް ކޯޓަށް ހުށައަޅައިފިއެވެ.
މި މައްސަލާގައި ދައުވާ އުފުލާފައިވަނީ މ. ސެންޓްރޯސެމާ، ޢައްބާސް ޢަބްދުﷲއާއި، ހދ. ކުޅުދުއްފުށި، ކިރުދޫނިގެ، އަޙްމަދު މުޙައްމަދުގެ މައްޗަށެވެ. މިގޮތުން އެ ދެމީހުންގެ މައްޗަށް އުފުލާފައިވަނީ ދިވެހިރާއްޖޭގެ ކަސްޓަމްސްގެ ޤާނޫނުގެ ދަށުން، ދިވެހިރާއްޖެއިން ސިއްރުން މުދާ ބޭރު ކުރަން އުޅުމާއި، ދިވެހިރާއްޖޭގެ ޤާނޫނުލްޢުޤޫބާތުގެ ދަށުން، އޮޅުވާލުމުގެ ޢަމަލެއްކުރުމުގެ ކުށުގެ ދަޢުވާއާއި، ދިވެހިރާއްޖޭގެ ޤާނޫނުލްޢުޤޫބާތުގެ ދަށުން، ރަސްމީ އިދާރާއަކަށް ދޮގު މަޢުލޫމާތު ދިނުމުގެ ކުށުގެ ދަޢުވާއެވެ.
A total of 21 boxes containing 429kg of shark fins has been seized at Velana International Airport by Customs together with @AVSECOMmv .The shark fins were concealed in a shipment declared as salt fish. Further investigations ongoing.@MoEnvmv @MariyaDidi @MoFMRAmv pic.twitter.com/85jvLSJMoo
— Maldives Customs (@CustomsMv) January 3, 2021
މިއަހަރުގެ ޖެނުއަރީ 3 ގައި ކަސްޓަމްސްއިން ބުނެފައިވަނީ، ރާއްޖެއިން ބޭރު ކުރަން އުޅުނު 429 ކިލޯގެ މިޔަރު އުރަހަ އަތުލައިގެންފައި ވަނީ ލޮނުމަހުގެ ނަމުގައި އޮޅުވާލައިގެން ބޭރުކުރަން މަސައްކަތް ކުރަނިކޮށް ކަމަށެވެ. ކަސްޓަމުން ބުނީ 21 ގަނޑު ފޮށީގައި ބަންދު ކޮށްގެން ރާއްޖެއިން ބޭރުކުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓުން 429 ކިލޯގެ މިޔަރު އުރަހަ އަތުލައިގަތީ ކަސްޓަމްސާއި އޭވިއޭޝަން ސެކިއުރިޓީ ކޮމާންޑް ގުޅިގެން ކަމަށެވެ.
އަތުލައިގަތް މިޔަރު އުރަހަ ބޭރުކުރަން އުޅުނީ ލޮނުމަހުގެ ނަމުގައި: ކަސްޓަމްސް
ރާއްޖޭގައި ހިމާޔަތްކޮށްފައި ވާތީ މިޔަރުގެ ބާވަތްތަކަކީ އިފުމާއި ގެންގުޅުން މަނާއެއްޗެކެވެ. އަދި މިޔަރުގެ މަސްވެރިކަން ކުރުމާއި އެކްސްޕޯޓު ކުރުމަކީ ވެސް ރާއްޖޭގައި މަނާކަމެކެވެ.
ކޮމެންޓު ފޮނުވާ