މިސްރުގެ ސުވޭސް ކެނަލްގެ 2021ވަނަ އަހަރުގެ ފުރަތަމަ 6 މަސްދުވަހުގެ އާމްދަނީ 3 ބިލިއަން ޑޮލަރަށް އަރާފައިވާ ކަމަށް ކެނަލް އޮތޯރިޓީގެ ޗެއަރމަން އުސާމާ ރާބީ އާދީއްތަ ދުވަހު ވިދާޅު ވެއްޖެއެވެ. އޭނާ ވިދާޅުވި ގޮތުގައި، މިއީ ފާއިތުވެދިޔަ އަހަރުގެ މި މުއްދަތުގައި ލިބުނު އާމްދަނީއަށްވުރެ %8.8 އިތުރު އާމްދަނީއެކެވެ.
ސުވޭސް ކެނަލް އޮތޯރިޓީގެ ޗެއަރމަން ވިދާޅުވި ގޮތުގައި މިއަހަރުގެ މާރޗްމަހު، ދުނިޔޭގެ އެންމެ ބޮޑު އާގު ބޯޓުތަކުގެ ތެރޭގައި ހިމެނޭ ކޮންޓެއިނަރ ބޯޓު އެވަރ ގްރީން ސުވޭސް ކެނަލް ހުރަސްކުރަނިކޮށް ތާށިވެ 3ހަފްތާއެއްގެ މުއްދަތަށް އެކެނަލް ބަންދު ވުމަށްފަހު، ލިބުނު ގެއްލުމުގެ ބަދަލު ހޯދުމުގެ ގޮތުނަ އެވަރ ގްރީން ކުންފުންޏާއެކު ހަދާފައިވާ ސެޓްލްމަންޓް އެއްބަސްވުމުގެ ދަށުން އެ ކެނަލްއަށް 75 ޓަނުގެ އުޅަދުތައް ކަފު ޖެހޭވަރުގެ ބޮޑު ޓަގުބޯޓެއް ލިބިގެން ދާނެކަމަށެވެ.
ދުނިޔޭގެ އެންމެ ބޮޑު އާގު ބޯޓުތަކުގެ ތެރޭގައި ހިމެނޭ އެވަރ ގިވެން އާގު ބޯޓު މިސްރުގެ ސުވޭސް ކެނަލްގައި ހުރަހަށް ވާގޮތަށް ތާށިވެ، އެ ކެނަލް ބަންދުވެ، ލިބުނު ގެއްލުމަށް ބަދަލު ހޯދުމަށް ސުވޭލް ކެނަލްގެ އޮތޯރިޓީތަކާ އެވަރ ގިވެން ބޯޓުގެ ވެރިފަރާތާއި އަދި އިންޝޫރަންސް ކުންފުންޏާ ދެމެދު އުފެދުނު ޚިޔާލު ތަފާތުވުންތަކަށް އުސޫލެއްގެ ގޮތުން ހައްލު ހޯދިފައި ވާކަމަށް، ބޯޓުގެ ވެރިފަރާތާއި އަދި އިންށުރަންސް ކުންފުނި ތަމްސީލުކުރާ މަންދޫބުންނާ ހަވާލާދީ މިސްރުގެ މީޑިއާތަކުން ފާއިތުވެދިޔަ ޖޫންމަހު ރިޕޯޓު ކޮށްފައި ވެއެވެ.
އެވަރ ގިވެން އިންސުއަރ ކޮށްފައިވާ ކުންފުނި ކަމުގައިވާ “ޔޫކޭ ކްލަބް”އިން ބަދަލު ހޯދުމަށް، ސުވޭސް ކެނަލްގެ މުވައްސަސާތަކުން އެންމެ ފުރަތަމަ 916 މިލިއަން ޑޮލަރު ހޯދުމުގެ ހުށަހެޅިއެވެ. އެހެންނަމަވެސް، އިންސސޫރަންސް ކުންފުނިން އެންމެ ފުރަތަމަ މިވަރުގެ ބޮޑު ބަދަލެއް ދޭން ދެކޮޅު ހެދިއެވެ.
މުޅި ދުނިޔޭގައި، ކަނޑު ހުރަސްކޮށް އުފުލޭ ކާރގޯގެ %12 އުފުލުމަށް ބޭނުންކުރެވޭ މި މަގު ބަންދު ވެފައި އޮތުމުގެ ސަބަބުން، އޭރު ކޮންމު ދުވަހަކަށް، އޭޝިއާ އަދި ޔޫރަޕާ ދެމެދު އުފުލޭ 9.6 ބިލިއަން އެމެރިކާ ޑޮލަރުގެ އަގުހުރި ގާކޯ އޭގެ މަންޒިލްތަށް ފޯރުކޮށް ނުދެވި ހުއްޓުމަކަށް އައެވެ. އަދި، 193 ކިލޯ މީޓަރު ދިގު މި ކެނަލްގެ ދެކޮޅުގައި ، 200 އާގުބޯޓު ދަތުރު ކުރެވޭނެ ގޮތެއް ނެތި، ތާށިވެ، ދުނިޔޭގެ ކާގޯގެ ކަނޑުދަތުރުތަކަށް ބޮޑު ބުރުލެއް އަރާފައި ވެއެވެ.
ކޮމެންޓު ފޮނުވާ