ޔޫރޯ 2020 ގެ ކުއާޓާ ފައިނަލުގައި އިޓަލީއާ ދެކޮޅަށް ކުޅޭ މެޗުގައި ބެލްޖިއަމުގެ ކެޕްޓަން އެޑެން ހަޒާޑާއި މިޑްފީލްޑަރު ކެވިން ޑިބްރޭނާއަށް ނުކުޅެވުމުގެ ފުރުސަތު ބޮޑު ކަމަށް ރިޕޯޓުތައް ބުނެފިއެވެ.
ރިޕޯޓުތައް ބުނާ ގޮތުން ބެލްޖިއަމުން ބުދަ ދުވަހު ކުރިއަށްގެންދިޔަ ފަރިތަކުރުންތަކުގައި ކުޑަ ވަގުތު ކޮޅަކަށް ހަޒާޑް ވަނީ ބައިވެރިވެފައެވެ. އެކަމަކު އޭނާ ފަރިތަކުރުންތައް ކުރިއަށްގެންދިޔައީ އެކަނި ކަމަށް ރިޕޯޓުތައް ބުނެއެވެ. އަދި މި ފަރިތަކުރުންތަކުގައި ޑި ބްރޭނާ އެއްވެސް ވަރަކަށް ބައިވެރި ނުވާ ކަމަށްވެސް ރިޕޯޓުތައް ބުނެއެވެ. ބެލްޖިއަމުން މީގެ ކުރިން ބުނީ އެ ދެ ކުޅުންތެރިންނަށް ކުއާޓާގައި ކުޅެވޭނެކަން ޔަގީންވާނީ އިތުރު ޓެސްޓުތަކެއް ހެދުމަށްފަހު ކަމަށެވެ.
މިދިޔަ ސީޒަނުގައި ހަޒާޑަށް އަނިޔާގެ ގިނަ މައްސަލަތަކެއް ކުރިމަތިވިއިރު، މި ފަހަރުގެ ޔޫރޯގެ ފުރަތަމަ މެޗުގައި އަނިޔާގެ ސަބަބުން ޑި ބްރޭނާވެސް ކުޅެފައެއް ނުވެއެވެ.
ކޮމެންޓު ފޮނުވާ