ތިންވަނަ ދަރިފުޅަށް ބަލިވެ އިން ލީސާ ހޭޑަން ވިފައިކަން އިއުލާން ކޮށްފައިމިވާނީ ވަރަށް ތަފާތު ގޮތަކަށެވެ. އާއިލާއަށް މި އިތުރުވި މެމްބަރުގެ އިތުރުން ލީސާގެ ދެ ފިރިހެން ކުދިން އެބަތިއްބެވެ.
ލީސާ އަކީ ސޯޝަލް މީޑިއާގައި ވަރަށް އެކްޓިވް ފަންނާނެކެވެ. ނަމަވެސް ދަރިފުޅު ވިހޭކަން ލީސާ އިއުލާންކޮށްފައެއް ނުވެއެވެ. މިކަން ހާމަވީ ފޭނަކު ކުރި ސުވާލަކަށް ލީސާ ދިން ޖަވާބަކުންނެވެ. ވިހާ ދުވަހާއި ބެހޭގޮތުން ކުރި ސުވާލަށް ޖަވާބު ދެމުން ލީސާ ބުނީ 3 ވަނަ ދަރިފުޅު އޮތީ މިހާރު އޭނާގެ އަތުގެ ތެރޭގައި ކަމަށެވެ.
ލީސާގެ މި ކޮމެންޓާއި އެކު ފޭނުން ދަނީ އޭނާއަށް މަރުހަބާ ކިޔަމުންނެވެ.
ލީސާއާއި ވިޔަފާރިވެރިޔާ ޑިނޯ ލާލްވާނީގެ ކައިވެންޏަށްފަހު އޭނާ ވަނީ ބޮލީވުޑް އިން ގެއްލިފަ އެވެ. އޭނާ އެންމެފަހުން މުނިފޫހި ފިލުވުމުގެ ދާއިރާ އާއި ގުޅުންހުރި ކަމަކުން ފެނުނީ 2018 ވަނަ އަހަރު ކަލާސްގެ "ޓޮޕް މޮޑެލް އިންޑިއާ"ގެ ޖަޖެއްގެ ގޮތުގައެވެ.
ޑިނޯ އާއި ލީސާ ކައިވެނި ކޮށްފައިވަނީ 2016 ވަނަ އަހަރު އެވެ. ލީސާ މިހާރު ދިރިއުޅެމުން އަނަނީ ފިރިމީހާ އާއެކު ހޮންކޮންގައި އެވެ. ކައިވެންޔަށް 5 އަހަރު ތެރޭ ވަނީ 3 ކުދިން ލިބިފަ އެވެ. އެއީ ދޮށީ ދަރިފުޅު ޒެކް (2017) އާއި ލިއޯ (2020) ގެ އިތުރުން އެންމެ ފަހުން ލިބުނު އަންހެން ދަރިފުޅެވެ.
