ބޮލީވުޑްގެ މަޝްހޫރު ބަތަލާ ކަންގަނާ ރަނާވަތުގެ ކުރިއަށް އޮތް ފިލްމު "ތަލައިވީ"ގެ ޓެމިލް ވާޝަންއަށް "ޔޫ" ސެޓްފިކެޓް ދޫކޮށްފިއެވެ.
"ޔޫ" ސެޓްފިކެޓް ފިލްމު ސެންސަރުބޯޑުން މި ފިލްމަށް ދޫކޮށްފައިވަނީ ފިލްމުގެ އެއްްވެސް ތަންކޮޅެއް ނުކަނޑައެވެ. "ޔޫ" ސެޓްފިކެޓަކީ ހުރިހާ އުމުރެއްގެ މީހުންވެސް ބެލުމަށް އެކަށީގެންވާ ފިލްމެއްކަން ކްލެސިފައިކޮށް، އެކަން އަންގައިދިނުމަށްދޭ ސެޓްފިކެޓެކެވެ. "ތަލައިވީ"ގެ ޓެމިލް ވާޝަން ކްލެސިފައި ކޮށްފައި ވާއިރު ފިލްމުގެ ހިންދީ އަދި ޓެލެގޫ ވާޝަންގެ "ޔޫ" ސެޓްފިކެޓްވެސް ދާދި އަވަހަށް ލިބޭނެ ކަމަށް ފިލްމުގެ ޕްރޮޑިއުސަރުނަ އުންމީދު ކުރެއެވެ.
The most awaited #Thalaivi (Tamil) Censored with ?, Hindi & Telugu Versions to be censored soon.#KanganaRanaut @thearvindswami #Vijay @vishinduri @ShaaileshRSingh @BrindaPrasad1 @gvprakash #HiteshThakkar @urstirumalreddy @vibri_media @KarmaMediaEnt @ZeeStudios_ @TSeries pic.twitter.com/LqDCIzXqs8
— VIBRI (@vibri_media) June 22, 2021
މި ފިލްމަކީ ޓެމިލް ނާޑުގެ ޗީފް މިނިސްޓަރ ޖޭ ޖަޔަލަލީތާގެ ހަޔާތުގެމަށްޗަށް ބިނާކޮށް ހަދާފައިވާ ފިލްމެކެވެ. ފިލްމުގައި ޖަޔަލަލީތާގެ ސިޔާސީ ހަޔާތް ފެށުނުގޮތާއި ސައުތު އިންޑިއާގެ ޗީފް މިނިސްޓަރަކަށް 6 ފަހަރު އިންތިހާބު ވީ ގޮތާއި، އޭނާއަށް އާންމުންގެ ފަރާތުން ލިބުނު ތަރުހީބު ފެނިގެން ދާނެއެވެ.
މި ފިލްމު ލޯންޗް ކޮށްފައިވަނީ 2019 ވަނަ އަހަރު ޖަޔަލަލީތާގެ އުފަން ދުވަސް ކަމުގައިވާ 24 ފެބުރުވަރީގަ އެވެ. ފިލްމު ގެ ޝޫޓިންގ ނިމިފައި އޮންނަތާ މިހާރު އަހަރަކަށްވުރެ ގިނަ ދުވަސް ވެފައިވާއިރު މި ފިލްމު ސިނަމާތަކަށް ނުގެނެވި ލަސްވެެގެން ގޮސްފައިވަނީ ކޯވިޑް-19ގެ ސަބަބުނެނެވެ.
މި މަހު 21 ގައި ރިލީޒް ކުރަން ކުރިން ޝެޑިއުލްކޮށްފައި ވީ ނަމަވެސް އަދިވެސް، ކޯވިޑްގެ ސަބަބުން ސިނަމާތަށް ބަންދުކޮށްފައި ވުމުގެ ސަަބަބުން ފިލްމު ރިލީޒްކުރުން މިހާރު ވަނީ އަނެއްކާވެސް ފަސްކޮށްފަ އެވެ. ފިލްމު މިހާރު ތާވަލު ކޮށްފައިވަނީ އޯގަސްޓަށެވެ.
"ކުއީން"ގެ ހުނަރުވެރި ބަތަލާ ކަންގަނާ މިހާރު ކުރަމުންދަނީ ފިލްމް "ދާކަޑް" އާއި "ތޭޖާޒް"ގެ މަސައްކަތްތަކެވެ.
