ދުނިޔޭގެ އެންމެ ބޮޑު އާގު ބޯޓުތަކުގެ ތެރޭގައި ހިމެނޭ އެވަރ ގިވެން އާގު ބޯޓު މިސްރުގެ ސުވޭސް ކެނަލްގައި ހުރަހަށް ވާގޮތަށް ތާށިވެ، އެ ކެނަލް ބަންދުވެ، ލިބުނު ގެއްލުމަށް ބަދަލު ހޯދުމަށް ސުވޭލް ކެނަލްގެ އޮތޯރިޓީތަކާ އެވަރ ގިވެން ބޯޓުގެ ވެރިފަރާތާއި އަދި އިންޝޫރަންސް ކުންފުންޏާ ދެމެދު އުފެދިފައިވާ ޚިޔާލު ތަފާތުވުންތަކަށް އުސޫލެއްގެ ގޮތުން ހައްލު ހޯދިފައި ވާކަމަށް، ބޯޓުގެ ވެރިފަރާތާއި އަދި އިންށުރަންސް ކުންފުނި ތަމްސީލުކުރާ މަންދޫބުންނާ ހަވާލާދީ މިސްރުގެ މީޑިއާތަކުން ރިޕޯޓު ކޮށްފިއެވެ.
ބޯޓުގެ ވެރިފަރާތާއި އަދި އިންޝޫރަންސް ކުންފުނި ތަމްސީލު ކުރަމުންދާ ކުންފުނި، ސްޓޭން މެރިންގެ ރައީސް ފަޒް ޕީރުމުހައްމަދު ނެރުއްވާފައިވާ ބަޔާނެއްގައި ބުނެފައިވަނީ، ސެޓްލްމަންޓް އެގްރީމަންޓުގައި ސޮއި ކުރެވުނުހާ އަވަހަކަށް އެވަރ ގްރީން ނަމަކަށް މިޔާ އާގު ބޯޓު ދޫކޮށްލުމުގެ މަސައްކަތް ފެށިގެންދާނެ ކަމަށެވެ.
18،300 ކޮންޓެއިނަރ ހިފައިގެން ދަތުރު ކުރަމުންދިޔަ، ދުނިޔޭގެ އެންމެ ބޮޑު އާގު ބޯޓުތަކުގެ ތެރޭގައި ހިމެނޭ މި ބޯޓު މިސްރުގެ ސުވޭސް ކެނަލްގައި ހުރަހަށް ވާގޮތަށް ތާށިވެ، އެ ކެނަލް ބަންދުވެ، ލިބުނު ގެއްލުމުގެ ބަދަލެއްގެ ގޮތުން 900 މިލިއަން ޑޮލަރުގެ ބިލެއް ދައްކަންދެން ބޯޓު މިސްރުގެ އިދާރާތަކުން އޮތީ ހިފަހައްޓާފައެވެ.
ޕެނަމާގެ ދިދަ ޖަހައިގެން ދަތުރުކުރި، “އެވަރ ގިވެން” އާގުބޯޓުގެ ވެރި ފަރާތް ކަމުގައިވާ، ޖަޕާނުގެ ޝޮއި ކިސެން ކައިޝާގެ މައްޗަށް، މިބޯޓު ސުވޭސް ކެނަލްގައި ހުރަހަކަށް ތާށިވެ، މުޅި ދުނިޔޭގެ ކަނޑު ދަތުރުގެ ކާގޯއަށް ބުރޫ އަރާ، ލިބިނު ގެއްލުމުގެ ބަދަލެއްގެ ގޮތުން، 900 މިލިއަން ޑޮލަރު ދެއްކުމަށް މިސްރުގެ ކޯޓަކުން އޭރު ވަނީ އަމުރު ކޮށްފައެވެ.
މިސްރުގެ އަލް އަހުރާމުން ރިޕޯޓު ކޮށްފައިވާ ގޮތުގައި، އެވަރ ގްރީންއިން ދެއްކުމަށް މިސްރުގެ ކޯޓުން އަމުރު ކޮށްފައިވާ ބަދަލުގެ ތެރޭގައި މެއިންޓެނެންސް ފީއާއި އަދި ބޯޓު ފުންކުރުމަށް ހިގި ޚަރަދުވެސް ހިމެނެއެވެ.
މި ބޮޑު އާގު ބޯޓު ސުވޭސް ކެނަލްގައި ހުރަހަށް ވާގޮތަށް ތާށިވެ، މުޅި ދުނިޔޭގެ ތެލާއި އަދި މުދާ އުފުލާ ބޮޑެތި ބޯޓު ފަހަރަށް މި ކޯޒްވޭ ހުރަސްކޮށް ދަތުރު ނުކުރެވި އެތައް ދުވަހެއް ފާއިތުވެގެން ދިޔައެވެ. އަދި މުޅި ދުނިޔޭގެ ކާގޯ ސަޕްލައިއަށް މީގެ އަސަރުކޮށް، މި ބޯޓު ފުންކުރުމަށް ބައިނަލްއަގުވާމީ ފެންވަރުގެ ރެސްކިއު އޮޕަރޭޝަނެއް، ހުއްޓުމެއްނެތި އެތައް ދުވަހެއް ވަންދެން ކުރިޔަށް ގޮސްފައި ވެއެވެ.
އަދި މި ބޯޓު އެންމެ ފަހުން ފުންކުރެވިފައި ވަނީ މާރޗްމަހުގެ 29 ވަނަ ދުވަހުއެވެ. ބޯޓު ފުންކުރުމަށްފަހު، “ސީ ވާތިނެސް” (ކަނޑު ދަތުރުކުރުމަށް އެކަށީގެންވާ ހާލަތުގައި ބޯޓު އޮތްތޯ ޔަގީން ކުރުމަށް ހަދަންޖެހޭ ޓެސްޓުތައް ހަދާ އިންސްޕެންޓް ކުރުމަށް) ގެންދެވިފައިވަނީ ސުވޭސް ކެނަލްގެ ކައިރީގައި އޮންނަ “ގްރޭޓް ބިޓަރ ލޭކް”ގެ ނަންދެވިފައިވާ ކޯރަށެވެ. މި ކޯރުގައި ބަދަރު ކޮށްފައި ބާއްވައިގެން މި ބޯޓު އިތުރަށް ދަތުރު ކުރުމަށް ބޭނުންވާ މަރާމާތުތައްވެސް ކުރުމަށް ވަނީ ހަމަޖެހިފައެވެ.
ފާއިތުވެދިޔަ މާރޗް މަހުގެ 23 ވަނަ ދުވަހު، މިބޯޓު ސުވޭސް ކެނަލްގައި ހުރަހަށް ވާގޮތަށް ތާށިވުމުގެ ސަބުން، މި ކެނަލް ހުރަސްކޮށް ދަތުރު ނުކުރެވި، 400 އާގު ބޯޓެއް ތާށިވާ ގޮތްވިއެވެ. އަދި މިހާދިސާ ހިގަން މެދިވެރިވި ސަބަބެއް މިސްރުގެ ކަމާގުޅޭ މުވައްސަސާތަކުން ދަނީ ތަހުގީގު ކުރަމުންނެވެ.
ބޯޓު ސުވޭސް ކެނަލްގައި ތާށިވެ ލިބުނު ގެއްލުމުގެ ބަދަލެއްގެ ގޮތުން ސެވޭސް ކެނަލްގެ އޮތޯރިޓީތަކަށް ދެއްކުމަށް އިންސޫރަންސް ކުންފުންޏާ އަދި ބޯތުގެ ވެރިފަރާތުން އެއްބަސްވެފައިވާ އަދަދެއް އަދި މީޑިއާތަކަށް ހާމަ ކޮށްފައެއް ނުވެއެވެ.
ކޮމެންޓު ފޮނުވާ