ވޭލްސް ބޭނުންވަނީ މަދުވެގެން ހަތަރު ޕޮއިންޓް: ރޮބާޓް ޕޭޖް

ޔޫރޯ ފުޓްބޯޅަ މުބާރާތުގެ ގުރޫޕް ފިޔަވަހި ފަހަނައަޅާ ދިޔުމަށް ވޭލްސް ބަލާނީ ހަތަރު ޕޮއިންޓަށް ކަމަށް އެޓީމުގެ ކޯޗު ރޮބާޓް ޕޭޖް ބުނެފިއެވެ.

ގުރޫޕްގެ ފަހު މެޗުގައި އިޓަލީއާ ދެކޮޅަށް ނުކުތުމުގެ ކުރިން ވާހަކަދައްކަމުން ވޭލްސް ކޯޗު ޕޭޖް ބުނީ ދެވަނަ ބުރުގެ ކޮލިފައިންއަށް ހެދޭނެ މާގިނަ ޕްލޭންތަކެއް ނެތްކަމަށާއި އޮތީ ހޯދޭނެ އެންމެ ގިނަ ޕޮއިންޓެއް ފަހުމެޗުގައި ހޯދުންކަމަށެވެ. އިޓަލީއާ ދޮކަޅަށް ކުޅެއް މޮޅެއް ހޯދޭވަރަށް މިރޭގެ މެޗަށް ކުޅުންތެރިން ތައްޔާރު ކުރާނެކަމަށް ކުރީގެ ކޯޗު ރަޔާން ގިގްސް ކޯޗު ކަމުން ދުރުކުރުމުން ޓީމާ ހަވާލުވި ކޯޗު ބުނިއެވެ. އޭނާ ބުނީ މިއަދަކީ ވަކި ހާއްސަ ތަފާތު ދުވަހެއް ނޫންކަމަށާއި ކޮންމެ މެޗަކަށް ވެސް ވޭލްސް ނުކުންނާނީ މޮޅުވާން ކަމަށާއި އެހެންކަމުން އިޓަލީއާ ދެކޮޅަށް ނުކުންނާނީ މޮޅުވާން ކަމަށެވެ.

މިއީ ހާއްސަ އާދީއްތައެއް ނޫން. ހަމަ ކޮންމެ މެޗަކަށްވެސް އަހަރުމެން ނުކުންނާނީ މޮޅުވާން ހަމަ އެގޮތައް މި މެޗާވެސް ކުރިމަތި މިލަނީ.

– ޕޭޖް ބުނެފައިވެއެވެެ.

މެޗުގެ ކުރިން ވާހަދައްކަމުން ވޭލްސްގެ ކެޕްޓަން ގްރަތު ބޭލް ބުނީ އަމާޒަކީ އިޓަލީ ބަލިކޮށް ގުރޫޕްގެ އެއްވަނަ ހޯދުންކަމަށެވެ. އޭނާ ބުނީ ކުޅުންތެރިންގެ އެނޫން ވިސްނުންމެއް ނެތްކަމަށާއި މުބާރާތުގެ ދަވަނަ ބުރަށް ދިޔުން އެނޫން މޮޅު އިތުރު ވިސްނުމެއް މިވަގުތަކު ނެތްކަމަށެވެ. ބޭލް ބުނީ އިޓަލީއަކީ ގުރޫޕްގައި އޮތް އެންމެ ވަރުގަދަ ޓީމު ކަމަށާއި އިޓަލީގަ މެޗު ކުޅުމަކީ އެހާ ފައްސޭހަކަމަކަށް ނުވާނެ ކަމަށެވެ.

އަހަރަމެންގެ އަބަދުވެސް ވިސްނުމަކަށް ވާންވާނެ  ގުރޫޕުގެ އެއްވަނަ ހޯދުން. އެ ވެސްނިމުގައި ކުޅެ އަހަރެމެންނަށް އިޓަލީ ބަލި ކުރެވިދާނެ.

– ބޭލް ބުނެފައިވެއެވެ.

އެންމެ ފަހުން ވޭލްސް އިން އިޓަލީ މައްޗަށް ކުރި ހޯދިފައިވަނީ މީގެ 19 އަހަރު ކުރިން ކުޅުނު ޔޫރޯ ކޮލިފައިން މެޗުގައިއެވެ. ވޭލްސްގައި ކުޅުނު މެޗު ވޭލްސްއިން ކާމިޔާބުކުރީ 2-1 ލަނޑުންނެވެ.