ދެކުނު އެމެރިކާގެ ގައުމުތަކުގެ މެދުގައި ކުޅެވޭ އެންމެ ޝަތަފްވެރި ފުޓްބޯޅަ މުބާރާތްކަމަށްވާ ކޮޕާ އެމެރިކާ މުބާރާތުގެ ފުރަތަމަ މެޗުގައި ވެނެޒުއޭލާ ވާދަކޮށް އެންމެ ފަހުގެ ޗެމްޕިއަން ބްރެޒިލުން މެޗް ކާމިޔާބުކޮށްފިއެވެ.
ބްރެޒިލްގައި ކުރިއަށްދާ މި މުބާރާތުގެ ފުރަތަމަ މެޗުގައި އެ ގައުމުން ވެނެޒުއޭލާގެ މައްޗަށް ކުރި ހޯދީ 0-3 އިންނެވެ. ގްރޫޕް ބީ ގެ ފުރަތަމަ މެޗްގައި ބްރެޒިލުން ޖެހި ފުރަތަމަ ލަނޑު އެ ޓީމަށް ކާމިޔާބުކޮށްދިނީ ލިބުނު ކޯނަރަކުން ފަހިވި ފުރުސަތެއްގައި ޕީއެސްޖީގެ ޑިފެންޑަރު މާކީނޯ އެވެ. މެޗްގައި ބްރެޒިލަށް ލީޑް ފުޅާކޮށްދިން ލަނޑު 64 ވަނަ މިނެޓްގައި ކާމިޔާބްކުރީ ލިބުނު ޕެނަލްޓީއެއް ވެނެޒުއޭލާގެ ގޯލަށް އިތުބާރާއެކު ވައްދާލައިގެން ބްރެޒިލްގެ ތަރި ނޭމާ އެވެ. މެޗްގެ ނަތީޖާ ބްރެޒިލުން 0-3 އަށް ބަދަލުކޮށްލީ މެޗް ނިމެން މިނެޓަކަށް ވެފައި އޮއްވަ އެވެ. މި ލަނޑު އެ ޓީމަށް ކާމިޔާބުކޮށްދިނީ ބްރެޒިލްގެ ކްލަބެއް ކަމަށްވާ ފްލެމެންގޯގެ ފޯވާޑް ގަބްރިއެލް ބޮންބާސާ އެވެ.
މި ގުރޫޕްގެ ކޮލަންބިޔާ އާއި އިކުއެޑޯ ވާދަކުރި މެޗު 1-0 ލަނޑުން ކާމިޔާބުކުރީ ކޮލަންބިޔާ އެވެ. ދެ ގްރޫޕަކަށް ބަހާލައިގެން ކުރިޔައްދާ މުބާރާތުގެ މާދަމާ ރޭ ކުޅޭ ގްރޫޕް ބީގެ ފުރަތަމަ މެޗްގައި ވާދަކުރާނީ އާޖެންޓީނާ އާއި ޗިލީ އެވެ. ދެވަނަ މެޗްގައި ބައްދަލުކުރާ ގޮތަށް ހަމަޖެހިފައިވަނީ ޕެރަގުއޭ އާއި ބޮލީވިއާ އެވެ
ކޮމެންޓު ފޮނުވާ