ކޯވިޑް ބަލިމީހުންނަށް ފަރުވާދިނުމަށް ހުޅުމާލޭގައި ގާއިމްކުރާ ދެވަނަ މެޑިކަލް ފެސިލީޓީގެ މަސައްކަތް ހިނގަމުންދާގޮތް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް މިއަދު ބައްލަވާލައްވައިފި އެވެ.
ކޯވިޑް ބަލިމީހުންނަށް ހާއްސަ ދެވަނަ ފެސިލިޓީއެއް ގާއިމް ކުރުމުގެ މަސައްކަތް ފަށާފައި ވަނީ ރާއްޖޭގައި ކޯވިޑް ކޭސްތައް ގިނަވެ އެ ބަލީގައި ފަރުވާ ދޭން ޖެހޭ މީހުން އިތުރުވެ ފަރުވާ ދެމުންދާ ފެސިލިޓީތައް ފުރުމާ ގާތްވުމުންނެވެ.
ހުޅުމާލޭގައި 2 ވަނަ ކޯވިޑް ފެސިލިޓީއެއްގެ ގޮތުގައި ބަދަލުކުރަނީ ހުޅުމާލެ ޑިސްޓްރިބިއުޝަން ސެންޓަރގެ އިމާރާތެވެ.
His Excellency President @ibusolih has toured and inspected the distribution center in Hulhumalé currently being converted to a COVID-19 medical facility. pic.twitter.com/jmRWjq5aWp
— HDC (@hdcmaldives) June 13, 2021
ރައީސުލްޖުމްހޫރިއްޔާ މި އިމާރާތުގެ މަސައްކަތް ބައްލަވާލައްވަން ވަޑައިގަތުމުން މި އިމާރާތާއި ގުޅޭ މަޢުލޫމާތު ދެއްވީ އެޗްޑީސީގެ މެނޭޖިންގ ޑިރެކްޓަރ ސުހައިލް އަޙްމަދު އާއި ޑެޕިއުޓީ މެނޭޖިންގ ޑިރެކްޓަރ އަޙްމަދު އާޠިފް އެވެ. އަދި މީގެ އިތުރުން މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މުޙައްމަދު އަސްލަމްވެސް ވަނީ ރައީސްގެ އަރިހުގައި އެތަނުގެ މަސައްކަތް ބައްލަވާލައްވާފައެވެ.
ކޮމެންޓު ފޮނުވާ