ކޯވިޑްގައި އިތުރު މީހަކު ނިޔާވެއްޖެއެވެ. ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުންއައި ޢުމުރުން 77 އަހަރުގެ ދިވެހި ފިރިހެނެކެވެ.
މިއީ ކޯވިޑްގައި ރާއްޖޭގައި ނިޔާވި 190 ވަނަ މީހާއެވެ. އޭގެ ތެރޭގައި ހިމެނެނީ 173 ދިވެހިންނާއި 17 ބިދޭސީންނެވެ. މިދިޔަ މަހާއި އަޅަބަލާއިރު ރާއްޖޭގައި ކޯވިޑްގައި މަރުވާ މީހުންގެ ޢަދަދު ވަނީ ދަށްވާން ފަށާފައެވެ. އަދި ކޯވިޑަށް ޕޮޒިޓިވްވާ މީހުންގެ ޢަދަދުވެސް ވަނީ ދަށްވާން ފަށާފައެވެ.
އެގޮތުން ފާއިތުވި 24 ގަޑިއިރުގެ ތެރޭގައި ކޯވިޑަށް ޕޮޒިޓިވްވީ 370 މީހުންނެވެ. އަދި ހޮސްޕިޓަލުގައި އެޑްމިޓްކޮށްގެން ފަރުވާ ދޭންޖެހޭ މީހުންގެ ޢަދަދުވެސް ދަށްވަމުންގޮސް އެ ޢަދަދު ވަނީ 152އަށް ދަށްވެފައެވެ. ކޯވީޑް ބަލީގައި މިވަގުތު ރާއްޖޭގަިއ ފަރުވާދެމުން އަންނަނީ 17،461 މީހުންނަށެވެ.
ކޯވިޑް-19ގައި ރާއްޖޭގެ ޙާލަތު އެންމެ ގޯސްވީ މިދިޔަ މަހުއެވެ. މިބަލީގައި މިދިޔަ މަހު 80 އަށްވުރެ ގިނަ މީހުން ވަނީ ނިޔާވެފައެވެ.
ކޮމެންޓު ފޮނުވާ