ރަޝިޔާ މޮޅުވިއިރު ވޭލްސް އެއްވަރުވެއްޖެ

އަންނަ ހުކުރު ދުވަހު ފަށާ ޔޫރޯ ފުޓްބޯޅަ މުބާރާތުގެ ކުރިން މިހާރު ކުރިޔަށްދާ އެެކުވެރި ކަމުގެ މެޗުތަކުން ރަޝިޔާ މޮޅުވިއިރު ވޭލްސް އެއްވަރުވެއްޖެއެވެ.

އަމިއްލަ ދަނޑުގައި ކުޅެ ރަޝިޔާއިން މެޗު ކާމިޔާބުކުރީ ބަލްގޭރިއާ އާ ވާދަކޮށް 1-0 ލަނޑުންނެވެ. މެޗުގެ ހަމައެކަނި ލަނޑު ލިބުނު ޕެނެލްޓީއަކުން ކާމިޔާބުކުރީ އެލެކްސެންޑަ ސޮބޯލޭވްއެވެ. މި ލަނޑު ކާމިޔާބުކުރުމުގެ ކުރިން ރަޝިޔާއަށް މެޗުގައި ލަނޑު ޖަހާނެ ރަނގަޅު ފުރުސަތެއް ލިބިފައެވެ. ޑިފެންޑަރ ޔޫރީ ޒިކްރޯވްއަށް ލިބުނު ފުރުސަތު ވަނީ އެންމެ އެކަށީގެންވާ ގޮތެއްގައި ބޭނުން ނުކެރިވެފިއެވެ.

2018 ވަނަ އަހަރު ވަރލްޑް ކަޕް ފުޓްބޯޅަ މުބާރާތުގައި އަމިއްލަ ގައުމުގައި ބޭއްވުނުއިރު ރަޝިޔާއަކީ އެ މުބާރާތުގައި ވާދަކުރި ފީފާ ރޭންކިންގެ އެންމެ ދަށުގައި އޮތް ގައުމެވެ. އެހެންނަމަވެސް އެ މުބާރާތުގެ ދެވަނަ ބުރުގައި ދުނިޔެ ހައިރާންކޮށްލުމަށްފަހު ސްޕެއިން ބަލިކޮށް ރަޝިޔާއިން ވަނީ މުބާރާތުގެ ކުއާޓާ ފައިނަލުން ޖާގަ ހޯދާފައެވެ.

މިފަހަރު ޔޫރޯގައި ރަޝިޔާ ވާދަކުރާއިރު އެގައުމު އޮތީ ފީފާ ރޭންކިންގެ 38 ވަނައިގައިއެވެ. ރަޝިޔާ އޮތީ ފީފާ ރޭންކިންގަ ގުރޫޕްގައި ވާދަކުރާ ފިންލޭންޑްއަށް ވުރެ 16 ދަރަޖަ ފަހަތުގައެވެ. މިފަހަރު ރަޝިޔާ ހިމެނޭ ގުރޫޕް މެޗުތައް އެގައުމުގައި ކުޅޭއިރު މީގެ ހަތް ދުވަސް ފަހުން މޮސްކޯގައި ގުރޫޕްގެ ފުރަތަމަ މެޗު ކުޅޭނެއެވެ. ރަޝިޔާ ފުރަތަމަ މެޗުގައި އެސްޓީ ޕީޓާސްބާގްގައި ނުކުންނާނީ ދުނިޔޭގެ ރޭންކިންގެ މިވަގުތު އެއްވަނައިގަ އޮތް ބެލްޖިއަމްއާ ދެކޮޅަށެވެ.