އިންސްޓަގްރާމް މެދުވެރިކޮށް ކަންގަނާ ރަނާވަތު ވަނީ އޭނާ ކޯވިޑުން ރަނަގޅު ވެފައިވާކަން ބެލުންތެރިންނާއި ހިއްސާކޮށްފަ އެވެ. އާންމުގޮތެއްގައި ކަންގަނާ މިފަދަ ޚަބަރުތައް އާންމުކުރުމަށް ޓްވިޓާ ބޭނުންކުރި ނަމަވެސް ޓްވިޓާއިން އޭނާ ސަސްޕެންޑު ކުރުމާއި ގުޅިގެން މިހާރު އެންމެ ގިނައިން ކަންގަނާ ބޭނުން ކުރަނީ އިންސްޓަގްރާމެވެ.

އޭނާގެ އިންސްޓަގްރާމް ސްޓޯރީ މެދުވެރިކޮށް ބުނެފައިވަނީ އޭނާ ކޯވިޑާ ހަނގުރާމަ ކުރިގޮތް ބުނަން ބޭނުންވިނަމަ ވެސް "ކޯވިޑް ފޭން ކްލަބް" ތަކުން އެކަންތައް ބޮޑުކަމަކަށް ހަދާނެތީ އެއްޗެކޭ ނުބުނާނެ ކަމަށެވެ.

އެހެންނަމަވެސް ކަންގަނާ ފަހުން ވަނީ އޭނާ ކޯވިޑުން ރަނގަޅުވުމަށް ކުރިކަންކަން ކިޔައިދެމުން ވީޑިއޯއެއް ހިއްސާކޮށްފަ އެވެ.

އެގޮތުން އޭނާ ބުނެފައިވަނީ "ކަދާ" (އިނޑިއާގެ ގަދީމީ ބޭހެއް) ބޭނުންކޮށް، ނޭވާލުމުގެ ކަސްރަތު، ޔޯގާ އަދި "މެޑިޓޭޝަން" ކުރުމުން ވަރަށް ބޮޑަށް އެހީތެރިވާކަމަށެވެ. އިތުރަށް ވާހަކަ ދައްކަމުން އޭނާ ބުނެފައިވަނީ އޭނާ އުއްމީދު ކުރަނީ މި މައުލޫމަތަކީ ބެލުންތެރިންނަށް ކަމުދިޔަ އަދި ބޭނުންތެރި މައުލޫމާތަކަށް ވާނެ ކަމަށެވެ.

 

View this post on Instagram

 

A post shared by Kangana Ranaut (@kanganaranaut)

ކަންގަނާގެ އިތުރުން ބޮލީވުޑްގެ ގިނަ މަޝްހޫރު ތަރިންތަކެއް ވަނީ ކޯވިޑް ޖެހިގެން ފަރުވާހޯދާފަ އެވެ.