2018ވަނަ އަހަރު އަރިމީނިއާގައި ކުރެވުނު ޑިމޮކްރަސީއަށް ގޮވާލާ މުޒާހިރާތަކަށްފަހު ވެރިކަމަށް ވަޑައިގެންނެވި އަރުމީނިއާގެ ބޮޑުވަޒީރު، ނިކޯލް ޕެޝިންޔާ މަގާމުން އިސްތިއުފާ ދެއްވާ، އަވަސް އިންތިޚާބަކަށް ގޮވާ ލައްވައިފިއެވެ.
ބޮޑުވަޒީރު އިސްތިއުފާ ދެއްވާ އަވަސް އިންތިޚާބަކަށް ފުރުސަތު ދެއްވާފައި މިވަނީ، އަރުމީނިއާގެ ސަރަހައްދެއްކަމަށް އެގައުމުން ދައުވާކުރާ ނަގޯނޯ ކަރުބާޚުގެ މައްސަލާގައި، އާޒަރުބައިޖާންއާއެކީ ކުރެވުނު ހަގުރާމައަށް ސުލްހަވެރި ހައްލެއް ގެނައުމަށް ވެވުނު ސުލްހައިގެ އެބްސްވުމުގެ ނަތީޖާއެއްގެ ގޮތުގޮތުން، ނަގޯނޯ ކަރުބާޚުގެ ބޮޑު ބައެއް އާޒަރުބައިޖާނަށް ދޭން އަރުމީނިއައިން އެއްބަސްވި އެއްބަސްވުމާއި ގުޅިގެން އޭނާއަށް އަމާޒުވެފައިވާ ފާޑުކިއުންތަކާ ގުޅިގެންނެވެ.
އަރުމީނިއާގެ ބޮޑުވަޒީރު އިސްތިއުފާ ދެއްވާފައި މިވަނީ، 1915 ވަނަ އަހަރު، އޮޓޮމަން އެމްޕަޔަރގެ ވެރިކަމުގައި، އަރުމީނިއާގައި މަރާލެވުލު އެމެރިކާގެ މީހުންގެ ހާދިސާއަކީ ގަތުއާންމެއް ކަމަށް ނިންމާ އެކަން އެމެރިކާއިން އިއުލާން ކުރިތާ އެއް ދުވަސް ފަހުންނެވެ.
އެމެރިކާގެ ރައީސްގެ މި ނިންމެވުމަށް އަރުމީނިއާއިން ަމރުހަބާ ކިޔާފައިވާއިރު، ތުރުކީންވަނީ، އެމެރިކާ ރައްޔިތުން މަރާލާފައިވަނީ ރޭވިގެން ގަސްތުގައި ނޫންކަމަށް ވާތީ، މިއީ ގަތުލުއާންމެއްގެ ގޮތުގައި ބެލެވިގެން ނުވާނެކަމަށް ބުނެފައެވެ.
ބައިޑްންގެ މި ރަމްޒީ ނިންމުމާ ގުޅިގެން ޕެޝިންޔަން ބައިޑްންއަށް ދަންނަވާފައިވަނީ، އެމެރިކާގެ މި ނިންމުމަކީ، އަރުމީނިއާގެ ސަލާމަތާ ގުޅުންހުރި ނިންމުމެއް ކަށެވެ.
އަރުމީނިއާ ދަރިކޮޅުށް ނިސްބަތްވާ މީހުން ދިރިއުޅެމުންދާ، އާޒަރުބައިޖާންގެ ސަރަހައްދުގައި އޮންނަ ނަގޯނޯ ކަރުބާޚުގެ މިލްކުވެރިކަމާ ގުޅިގެން، އަރުމީނިއާއީ އާޒަރުބައިޖާންއައި ދެމެދު ކުރެވުނު ހަގުރާމާގައި، މިސަރަހައްދުގެ ބޮޑުބައެއް އަރުމީނިއާއަށް ވަނީ ގެއްލިފައެވެ. 6 ހަފްތާގެ މުއްދަތަށް ކުރިޔަށް މި ހަގުރާމާގައި، ތުރުކީން އެހީތެރިކަން ފޯރުކޮށް ދީފައިވަނީ އާޒަރުބައިޖާންއަށެވެ.
މިހަގުރާމަ ނިމުމަކަށް ގެނައުމަށް އާޒަރުބައިޖާންއާއި އަރުމީނިއާ އާއި ދެމެދު ވެވުނު އެއްބަސްވުމުގައި، އާޒަރުބައިޖާން މާބޮޑެތި ދޫތައްދީ، ނަގޯނޯ ކަރުބާޚުގެ ބޮޑުބައެއް އާޒަރުބައިޖާނަށް ދޫކޮށްފައިވާ ކަމަށްބުނެ، އިސްތިއުފާ ދިނުމަށް ޕެޝިންޔަން އަށް ވަނީ ޕްރެޝަރާ ކުރިމަތިލާން ޖެހިފައެވެ.
އިސްތިއުފާ ދެއްވުމަށްފަހު، އާންމު އިންތިޚާބު ބާއްވަންޖެހޭ ދުވަހެއްގެ ގޮތުގައި އޭނާ ހަމަޖައްސަވާފައިވަނީ، އަންނަ ޖޫން މަހުގެ 20 ވަނަ ދުވަހެވެ.
އިސްތިއުފާ އިއުލާން ކުރައްވަމުން އަމިއްލަފުޅު ފޭސްބުކް ޕޭޖުގައި ޕެޝިންޔަން ވިދާޅުވެފައިވަނީ، ރައްޔިތުން އޭނާއާއި ހަވާލުކުރި ބާރުތައް އަބުރާ އޭނާ ރައްޔިތުންނާއި މި ހަވާޅުކުރަނީ، އަރުމީނިއާގެ މުސަތްގުބަލް އެގައުމުގެ ރައްޔިތުން ބޭނުންވާ ގޮތަކަށް ކަޑައެޅުމުގެ ފުރުސަތު ފަހިކުރުމަށްޓަކާ ކަމަށެވެ.
އޭނާ ވިދާޅުވި ގޮތުގައި، ނަގޯނޯ ކަރުބާޚުގެ މައްސަލާގައި، ރަޝިއާ މެދުވެރިވެގެން، އާޒަރުބައިޖާންއާ އެކީގައި ސުލްހައިގެ އެއްބަސްވުމަކަށް ދާން އޭނާއަށް މަޖުބޫރުވީ، އިތުރު ސަރަހައްދުތަކާއި އަދި އިތުރު މީހުންގެ ފުރާނަތައްވެސް ގެއްލިގެން ދިޔަ ނުދިނުމުގެ ގޮތުން ކަމުގައެވެ.
ސުލްހައިގެ އެއްބަސްވުމަށްފަހު، އަރުމީނިއާގެ އަސްކަރިއްޔާއިން އޭނާގެ އިސްތިއުފާއަށް ގޮވާލުމުން، އަސްކަރިއްޔާގެ ޗީފް އޮފް ސްޓާފުން މަގާމުން ދުރުކޮށް، އިސްތިއުފާ ދިނުމަށް އޭނާ އެންމެ ފުރަތަމަ ދެކޮޅު ހެއްދެވިއެވެ. އެހެންނަމަވެސް، އަރުމީނިއާގެ ރައީސްވަނީ، ޗީފް އޮފް ސްޓާފު މަގާމުން ދުރުކުރުމަށް ދެކޮޅު ހައްދަވާފައެވެ.
ނަގޯނީ ކަރުބާޚުގެ މިލްކުވެރިކަމާ ގުޅޭގޮތުން، އަރުމީނިއާއި އާޒަރުބައިޖާން އާއި ދެމެދު ވެވުނު ސުލްހައިގެ އެއްބަސްވުމަށްފަހު، މި ސަރަހައްދުގެ ސުލްހަ ބެލެހެއްޓުމަށް ރަޝިއާގެ 2،000 ސިފައިން ހަރަކާތްތެރި ވަމުން ދެއެވެ.
