ސާރާ އަލީ ޚާނާއި ޖާންވީ ކަޕޫރު ވަނީ ޗުއްޓީ ހޭދަ ކުރުމަށް ރާއްޖެ އައިސްފަ އެވެ. އެގޮތުން ސާރާ އަލީ ޚާން އިންސްޓްގްރާމުގައި ހިއްސާކުރި ވީޑިއޯއެއްގައި މި ދެފަންނާނުން ކަސްރަތު ކުރާތަން ފެނިގެންދެއެވެ. މި ދެ ފަންނާނުން ރާއްޖޭގެ ޕޫލްއެއްގެ ކައިރީގައި ކަސްރަތު ކުރަމުން ދިޔައިރު ކައިރީގައި ޓްރެއިނަރ ނަމްރަތާ ޕުރޮހިތުވެސް ހުއްޓެވެ.
ހަށިގނޑު ދަމާލާ، ބަރުތައް އުފުލާލައި އެބްސްގެ ކަސްރަތު މި ދެތަރިން އެކުގައި ކުރާތަން މި ވީޑިއޯއިން ފެނިގެންދެ އެވެ. މި ވީޑިއޯގައި އަޑުއިވެނީ ޖަސްޓިން ބީބަރގެ ޓްރެކްއެއް ކަމަށްވާ "ޕީޗެސް"އެވެ.
މި ވީޑިއޯ ހިއްސާކުރަމުން ސާރާ ވަނީ ކަސްރަތު ގެންދާނެގޮތް ޕޮޔަމް އެއްގެ ގޮތަށް ކިޔާލަދީފައެވެ. މީގެ އިތުރުން އިތުރު އިންސްޓްރަކްޝަން ބޭނުންވާނަމަ އިންސްޓްރަކްޓާ ނަމްރަތާއާ ސުވާލުކުރުމަށް ބުނެފައި ވެއެވެ.
View this post on Instagram
ޖާންވީ އޭނާގެ ކޮއްކޮ ޚުޝީ ކަޕޫރާއި އިތުރު ރައްޓެހިންނާ އެކުގައި ރާއްޖެ އައިސްގެން އުޅޭތާ ދުވަސްކޮޅެއް ވެއްޖެ އެވެ. އެހެންނަމަވެސް ސާރާ އަލީ ޚާން އޭނާގެ މަންމައާއި އެކުގައި ރާއްޖެ އައިސްފައިވަނީ މިމަހުގެ 19 ވަނަ ދުވަހު އެވެ. އަދި ހަމައެހެންމެ މި ދެފަންނާނުންވެސް މި ދަތުރުގެ ފޮޓޯތައް ބެލުންތެރިންނާއި ހިއްސާކުރަމުން ދާކަން ފާހަގަ ކޮށްލެވެއެވެ. އެގޮތުން ސާރާ ގިނައިން ހިއްސާކޮށްފައިވަނީ "މޫން ގޭޒިން" ބީޗް ގައި ހިނގުން ފަދަ ފޮޓޮއާއި ވީޑިއޯއެވެ. މިއާ ހިލާފަށް ޖާންވީ ގިނައިން ހިއްސާ ކޮށްފައިވަނީ އޭނާގެ ނަށުމާއި ސަކަރާތް ޖަހާފައި ހުރި ވީޑިއޯތަކެވެ.
މި ފަހަކަށް އައިސް މި ދެ ފަންނާނުންވެސް ވަނީ ވަރަށް ގިނަ ތަންތަނަށް ޒިޔާރަތް ކޮށްފައެވެ. އެގޮތުން ޖާންވީ ވަނީ ރާއްޖޭގެ އިތުރުން ނިއުޔޯކް އަދި ލޮސް އެންޖަލިސްއަށް ޒިޔާރާތްކޮށްފަ އެވެ. ހަމަ އެހެންމެ ސާރާ އަލީ ޚާންވެސް ރާއްޖެ އައުމުގެ ކުރިން އޭނާގެ ބޭބެ އިބްރާހިމް އަލީ ޚާން އާއި އެކުގައި ގުލްމާޖް އަށް ޗުއްޓީ ހޭދަ ކުރަން ގޮސްފައި ވެއެވެ.
